Dýlat Aǵadildiń ólimine politsiia da, UQK de kináli emes. 30 jylda qalyptasqan júie kináli. Biz quqyqtyq memleket emes, UQK, Politsiia biligin qurdyq. Kúshtik qurylymdar memlekettiń, Qazaqstan azamattarynyń bas-amandyǵynan kóri biliktiń qaýipsizdigin, jeke múddelerin ǵana qorǵaityn jendetterge ainalyp otyr. Quqyq saltanat qurǵan demokratiialyq el bolǵanymyzda azamattyq pikirin bildirip, qarsy shyqqany úiinde jatqan adamnyń shańyraǵyna basa-kóktep kirip, beinebir qandyqol qaraqshyny nemese ziiankes terroristi ustaǵandai qolyn qaiyryp, kisen salyp tún ortasy qaqaǵan aiazda kúshtep ákete alar ma edi? Basqa órkenietti elde adam ólimin bylai qoiǵanda, osylai qaraqshylyq jolmen alyp ketkendikteri úshin kem degende Ishki ister ministri otstavkaǵa keter edi.
Saiasi, quqyqtyq reformany talap etken qoǵamdyq keńes músheleriniń sońǵy jaǵdailarǵa kópshiligi únsiz. Al ataǵynan at úrketin múiizi qaraǵaidai aqyn, jazýshylar, juldyz ánshiler mundaida kórinbeidi. Júz myńdap ailyq alyp otyrǵan depýtattardan onsyz da qaiyr joq.
Quqyqtyq memleketke ainalmai, bul osylai jalǵasa beredi. Komissiia qurylar, ary ketse buiryqty oryndaǵan birneshe jendet kináli dep tabylar. Budan ne ózgeredi?! Biraq reaktiv memlekette solai!
Qairat Joldybaiulynyń feisbýktaǵy jazbasynan
