دۋلات اعادٸلدٸڭ ٶلٸمٸنە پوليتسييا دا, ۇقك دە كٸنەلٸ ەمەس. 30 جىلدا قالىپتاسقان جٷيە كٸنەلٸ. بٸز قۇقىقتىق مەملەكەت ەمەس, ۇقك, پوليتسييا بيلٸگٸن قۇردىق. كٷشتٸك قۇرىلىمدار مەملەكەتتٸڭ, قازاقستان ازاماتتارىنىڭ باس-اماندىعىنان كٶرٸ بيلٸكتٸڭ قاۋٸپسٸزدٸگٸن, جەكە مٷددەلەرٸن عانا قورعايتىن جەندەتتەرگە اينالىپ وتىر. قۇقىق سالتانات قۇرعان دەموكراتييالىق ەل بولعانىمىزدا ازاماتتىق پٸكٸرٸن بٸلدٸرٸپ, قارسى شىققانى ٷيٸندە جاتقان ادامنىڭ شاڭىراعىنا باسا-كٶكتەپ كٸرٸپ, بەينەبٸر قاندىقول قاراقشىنى نەمەسە زييانكەس تەرروريستٸ ۇستاعانداي قولىن قايىرىپ, كٸسەن سالىپ تٷن ورتاسى قاقاعان ايازدا كٷشتەپ ەكەتە الار ما ەدٸ? باسقا ٶركەنيەتتٸ ەلدە ادام ٶلٸمٸن بىلاي قويعاندا, وسىلاي قاراقشىلىق جولمەن الىپ كەتكەندٸكتەرٸ ٷشٸن كەم دەگەندە ٸشكٸ ٸستەر مينيسترٸ وتستاۆكاعا كەتەر ەدٸ.
ساياسي, قۇقىقتىق رەفورمانى تالاپ ەتكەن قوعامدىق كەڭەس مٷشەلەرٸنٸڭ سوڭعى جاعدايلارعا كٶپشٸلٸگٸ ٷنسٸز. ال اتاعىنان ات ٷركەتٸن مٷيٸزٸ قاراعايداي اقىن, جازۋشىلار, جۇلدىز ەنشٸلەر مۇندايدا كٶرٸنبەيدٸ. جٷز مىڭداپ ايلىق الىپ وتىرعان دەپۋتاتتاردان ونسىز دا قايىر جوق.
قۇقىقتىق مەملەكەتكە اينالماي, بۇل وسىلاي جالعاسا بەرەدٸ. كوميسسييا قۇرىلار, ارى كەتسە بۇيرىقتى ورىنداعان بٸرنەشە جەندەت كٸنەلٸ دەپ تابىلار. بۇدان نە ٶزگەرەدٸ?! بٸراق رەاكتيۆ مەملەكەتتە سولاي!
قايرات جولدىبايۇلىنىڭ فەيسبۋكتاعى جازباسىنان
