Almatydaǵy Bostandyq aýdanynda ornalasqan iri saýda ortalyǵynyń avtoturaǵynda otbasylyq basqosýdyń sońy qylmysqa ulasty. Toi qamymen júrgen kúieý jigit pen qalyńdyqtyń týǵan aǵasy ózara sózge kelispei qalǵan, dep habarlaidy ult.kz.
Saldarynan ashýǵa mingen bolashaq kúieý bala qaiyn aǵasyna pyshaq jumsap, aýyr jaraqat saldy. Jábirlenýshi birden aýrýhanaǵa jetkizilip, dárigerlerdiń baqylaýyna alyndy.
Qalalyq Politsiia departamentiniń habarlaýynsha, kúdikti alysqa uzap úlgermegen. Tártip saqshylary ony izin sýytpai jedel túrde quryqtady. Basty aiǵaq zat sanalatyn qylmys qarýy – pyshaq kúdiktiniń kóliginen tabylyp, is materialdaryna tirkeldi.
Qazirgi ýaqytta atalǵan fakti boiynsha sotqa deiingi tergeý amaldary bastaldy. Tiisti saraptamalar taǵaiyndalyp, janjalǵa qatysýshylardyń áreketine naqty quqyqtyq baǵa beriletin bolady.
