الماتىداعى بوستاندىق اۋدانىندا ورنالاسقان ٸرٸ ساۋدا ورتالىعىنىڭ اۆتوتۇراعىندا وتباسىلىق باسقوسۋدىڭ سوڭى قىلمىسقا ۇلاستى. توي قامىمەن جٷرگەن كٷيەۋ جٸگٸت پەن قالىڭدىقتىڭ تۋعان اعاسى ٶزارا سٶزگە كەلٸسپەي قالعان, دەپ حابارلايدى ult.kz.
سالدارىنان اشۋعا مٸنگەن بولاشاق كٷيەۋ بالا قايىن اعاسىنا پىشاق جۇمساپ, اۋىر جاراقات سالدى. جەبٸرلەنۋشٸ بٸردەن اۋرۋحاناعا جەتكٸزٸلٸپ, دەرٸگەرلەردٸڭ باقىلاۋىنا الىندى.
قالالىق پوليتسييا دەپارتامەنتٸنٸڭ حابارلاۋىنشا, كٷدٸكتٸ الىسقا ۇزاپ ٷلگەرمەگەن. تەرتٸپ ساقشىلارى ونى ٸزٸن سۋىتپاي جەدەل تٷردە قۇرىقتادى. باستى ايعاق زات سانالاتىن قىلمىس قارۋى – پىشاق كٷدٸكتٸنٸڭ كٶلٸگٸنەن تابىلىپ, ٸس ماتەريالدارىنا تٸركەلدٸ.
قازٸرگٸ ۋاقىتتا اتالعان فاكتٸ بويىنشا سوتقا دەيٸنگٸ تەرگەۋ امالدارى باستالدى. تيٸستٸ ساراپتامالار تاعايىندالىپ, جانجالعا قاتىسۋشىلاردىڭ ەرەكەتٸنە ناقتى قۇقىقتىق باعا بەرٸلەتٸن بولادى.
