QR Memlekettik hatshysy Qyrymbek Kósherbaevtyń qatysýymen Qazaqstan halqy Assambleiasy Keńesiniń keńeitilgen otyrysy ótip jatyr, dep habarlaidy QazAqparat.
Óz sózinde Memlekettik hatshy Qyrymbek Kósherbaev eldegi qýǵyn-súrgin qurbandaryn tlyq aqtaý sharalary Qazaqstan halqy Assambleiasyn ainalyp ótpeitinin atady.
«Taqyryptyq josparlar men ádisnama aiasynda arnaiy eki kishi komissiia, 11 jumys toby, 17 aimaqtyq komissiia quryly, jumys istep jatyr. Búginde respýblika sheńberindegi arhivterde zertteý jumystary júrip jatyr. Sheteldik áriptesterimizben de birlesken jumystar bastaldy. Bul jumystarǵa etnomádeni birlestikterdiń ókilderi belsendi qatysýda. Óitkeni qýǵyn-súrgin qurbandaryn aqtaý kezinde qazaq halqynyń júzdegen myń azamattary men ardaqtylarynyń adal aty ǵana aqtalyp qoimaidy. Sonymen qatar, Qazaqstanda jer aýdarylǵan 62 etnos ókilderine qatysty da tarihi ádilettilik ornaidy», - dedi Memlekettik hatshy.
