Foto: © Sputnik / Sergei Kim /
Almaty oblysy Politsiia departamentiniń burynǵy bastyǵy Serik Kúdebaev ustalyp, Qazaqstanǵa jetkizildi. Bul aqparatty QHA sessiiasynyń kýlýarynda bas prokýror Berik Asylov rastady.
Onyń aitýynsha, Kúdebaev Túrkiiadan jetkizilgen.
Aita keteiik, buǵan deiin áleýmettik jeliler men Telegram-arnalarda Serik Kúdebaev ustalyp, Qazaqstanǵa qaitarylǵany týraly aqparat taraǵan edi.
Eske salsaq, 3 sáýirde Almaty oblysy politsiia departamentiniń burynǵy basshysyna izdeý jariialandy. Oǵan eks-politseidiń elden qashýy sebep boldy. 23 naýryzda Kúdebaev qazaq-qyrǵyz shekarasyn kesip ótip, sol kúni Bishkekten Stambýlǵa ushyp ketken.
Ulttyq qaýipsizdik komiteti shetelge qashyp ketken Serik Kúdebaev shekaradan resmi jumys istep turǵan ótkizý beketteri arqyly ótpegenin málimdedi.
Oǵan qańtardaǵy tártipsizdikter kezinde qyzmet babyn asyra paidalandy degen aiyp taǵylǵan.
Prokýror ony 9 jylǵa bas bostandyǵynan aiyrýdy suraǵannan keiin Kúdebaev sotqa barýdy toqtatty. Otyrys generaldyń kelmeýine bailanysty 5 ret keiinge shegerildi.
