Politsiia general-maiory Serik Kúdebaevtyń Almaty oblysy boiynsha PD basshysy qyzmetinen nege ketkeni belgili boldy. Bul týraly IIM málimetinde aityldy, - dep habarlaidy Tengrinews.kz.
Vedomstvo málimetinshe, Kúdebaev óz ótinishi boiynsha qyzmetinen ketken.
"Serik Kúdebaev biyl 18 aqpanda Almaty oblysy Politsiia departamentiniń basshysy qyzmetinen bosatylyp, óz ótinishi boiynsha ishki ister organdarynan ketti", - dedi IIM ókili.
Buǵan deiin Almaty oblysy Politsiia departamentin basqarǵan general-maior Serik Kúdebaev qyzmetinen bosatylǵany belgili boldy.
Serik Kúdebaev 2012-2013 jyldar aralyǵynda Almaty oblysy Ishki ister departamentiniń bastyǵy bolǵan. 2013 jyldyń qazanynda Almaty qalalyq Ishki ister departamentiniń (qazirgi Politsiia departamenti) bastyǵy bolyp taǵaiyndalǵan. Osydan keiin 2020 jyldyń qańtarynda ol qaitadan Almaty oblysynyń PD basshysy boldy.
Sáýirdiń basynda áleýmettik jelilerde Kúdebaevtyń qańtar oqiǵasyna qatysty qylmystyq iske qatysy bar degen aqparat taraǵan bolatyn. Buǵan Bas prokýratýranyń Almaty, Jambyl jáne Qyzylorda oblystarynyń UQK jáne Politsiia departamentteri ǵimaraty jáne Almaty áýejaiynyń qaraýsyz qalýyna qatysty tekserý jariialaǵany týraly málimdemesi sebep bolǵan. Vedomstvo basshylary kúdikti dep tanylǵany aityldy.
