"Qazaqstan halqyna" qoǵamdyq qorynyń qamqorshylyq keńesiniń múshesi, qazaqstandyq ekonomist Oljas Qudaibergenov qorǵa bir kúndik jalaqyny aýdarý úrdisine qatysty pikir bildirdi. Ol Facebook-paraqshasynda bul tájiribeni toqtatý kerek ekenin aitty, - dep habarlaidy Tengrinews.kz agenttigi.
Ekonomist halyq "Qazaqstan halqyna" qoryna aqsha aýdarmai, kerisinshe alý kerek ekenin aitty.
"Memlekettik qyzmetshiler nemese jeke kompaniialar bir kúndik jalaqysyn aýdaratyn úrdis baiqalady (qorǵa - esk.). Bul qor múlde bul maqsatqa arnalmaǵan. (...) Qor bir kezderi salyqtan jaltaryp, aqshasyn shetelge shyǵaryp, endi azamattyq sanasyn kórsetýge daiyn tulǵalar úshin. Sondai-aq, bai adamdar men zańdy kirisi bar kompaniialar da aýdara alady. Múmkin, basqa da tabys kózderi tabylar. Az aqsha aýdarǵysy kelse, tipti qarapaiym adamdar da jasai alatyny anyq. Biraq bir kúndik jalaqyny aýdarý úrdisin toqtatý kerek", - dep bólisti Oljas Qudaibregenov.
