"قازاقستان حالقىنا" قوعامدىق قورىنىڭ قامقورشىلىق كەڭەسٸنٸڭ مٷشەسٸ, قازاقستاندىق ەكونوميست ولجاس قۇدايبەرگەنوۆ قورعا بٸر كٷندٸك جالاقىنى اۋدارۋ ٷردٸسٸنە قاتىستى پٸكٸر بٸلدٸردٸ. ول Facebook-پاراقشاسىندا بۇل تەجٸريبەنٸ توقتاتۋ كەرەك ەكەنٸن ايتتى, - دەپ حابارلايدى Tengrinews.kz اگەنتتٸگٸ.
ەكونوميست حالىق "قازاقستان حالقىنا" قورىنا اقشا اۋدارماي, كەرٸسٸنشە الۋ كەرەك ەكەنٸن ايتتى.
"مەملەكەتتٸك قىزمەتشٸلەر نەمەسە جەكە كومپانييالار بٸر كٷندٸك جالاقىسىن اۋداراتىن ٷردٸس بايقالادى (قورعا - ەسك.). بۇل قور مٷلدە بۇل ماقساتقا ارنالماعان. (...) قور بٸر كەزدەرٸ سالىقتان جالتارىپ, اقشاسىن شەتەلگە شىعارىپ, ەندٸ ازاماتتىق ساناسىن كٶرسەتۋگە دايىن تۇلعالار ٷشٸن. سونداي-اق, باي ادامدار مەن زاڭدى كٸرٸسٸ بار كومپانييالار دا اۋدارا الادى. مٷمكٸن, باسقا دا تابىس كٶزدەرٸ تابىلار. از اقشا اۋدارعىسى كەلسە, تٸپتٸ قاراپايىم ادامدار دا جاساي الاتىنى انىق. بٸراق بٸر كٷندٸك جالاقىنى اۋدارۋ ٷردٸسٸن توقتاتۋ كەرەك", - دەپ بٶلٸستٸ ولجاس قۇدايبرەگەنوۆ.
