Quda túsýge formasyn kiip barǵan politsiia qyzmetkeri áleýmettik jeli qoldanýshylaryn tánti etti, dep habarlaidy "Ult aqparat" IIM baspasóz qyzmetine silteme jasap.
15 qazanda Shý qalasynda aýdandyq politsiia bólimi jergilikti politsiia qyzmeti bólimshesiniń ýchaskelik inspektory túski úzilis ýaqytynda qalyńdyǵyna quda túsýge baryp úlgergen. Bul is-sharaǵa ol politsiia formasynda barǵan.
"Osyndai erekshe kúnde nysandy kiimde bolý men úshin úlken mártebe boldy, óitkeni men bala kezimnen politsiia qyzmetkeri bolýdy armandadym. Bul kún bizdiń jadymyzda máńgi qalatyny sózsiz, bolashaqta men balalaryma osy tarihi sátti maqtanyshpen kórsetetin bolamyn", - dedi jas ofitser.
Shý aýdany Politsiia basqarmasy málimetinshe, ol bul áreketi arqyly zań buzbaǵan.
"Leitenant Mamedovtyń is-áreketinde zańbuzýshylyqtar joq, ol óziniń túski úzilisin paidalanǵan. Qyzmet etip júrgenine qysqa merzim bolǵanyna qaramastan, ýchaskelik inspektor júktelgen mindetterdi óte jaqsy oryndaidy. Ol áriptesteriniń qurmetine jáne ózine bekitilgen ákimshilik aýmaq turǵyndarynyń senimine ie boldy", - dep atap ótti Shý APB bastyǵy Ashat Almetov.
