Kópshilik arasynda Territima laqap atymen tanylǵan bloger Temirhan Asylbektiń telefon qýattaǵyshy jarylyp, úii órtenip kete jazdady, dep habarlaidy "Ult aqparat" Stan.kz aqparat agenttigine silteme jasap.
Bloger jelige qýattaǵyshynyń órtenip jatqan videosyn jariialady. Temirhannyń aitýynsha, ol buǵan deiin telefon qýattaǵyshynyń órtenip jatqan videosyn birneshe ret kórgen. Alaida ondai dúnielerge qatty senbegen kórinedi.
Ainanyń aldynda turǵan qýattaǵysh jórgekterge tiip, jarylǵan. Bloger shelekpen sý taysp júryp, órtti sóndirdi.
"Alla saqtaǵan joq. Úide bolǵanymyz mundai jaqsy bolar ma edi?! Qýattaǵyshymdy toqqa qosyp edim órtenip ketti. Qýattaǵyshtardyń órtenip jatqan videosyn talai kórdim. Biraq qatty senbedim. Qýattaǵyshym negizi túpnusqa", – deidi Territima.
Bloger qýattaǵyshtan tistelgen sym shyǵyp turatynyn aitty. Jarylystyń sol sebepti bolýy múmkin ekenin dep jasyrmady. Ol bul týraly osy salany biletin mamandardan suraý keregin aitty.
Qýattyǵyshtyń jarylǵanyn bloger de, onyń áieli de estigen. Alaida balkondaǵy zattardyń biri qulady dep oilǵan olar bul dybysqa asa mán bermegen.
"Alǵashynda qatty dybys estidim. Balkonnan bir nárse qulady dep oiladym. Biz bul kezde zalda video túsirip otyrǵanbyz. Sóitsem jarylystyń dybysy da videoda jazylyp qalypty. Jarylysqa birneshe jaǵdai sebep bolýy múmkin. Birinshisi, men powerbank-ti qýattaý úshin toqqa qosyp, ony jórgekter salynǵan pakettiń ústine qoiyp kettim. Sol sebepti ol qyzyp ketýi múmkin. Ekinshiden, qýattaǵyshtaǵy tistelgen symnan bolýy ábden múmkin. Úshinshiden, jarylysqa toqtyń kúrt kúsheiýi áser etken bolý kerek. Rowerbank jórgekterge jabysyp qalypty", – deidi bloger.
