QR Mádeniet jáne sport ministrligi Arhiv isteri jáne qujattamany basqarý komitetiniń tóraǵasy bolyp Borashev Qýat Qaharmanuly taǵaiyndaldy, dep habarlaidy "Ult aqparat" primeminister saityna silteme jasap.
Qýat Borashev 1972 jyly Jambyl oblysynda dúniege kelgen.
Ál-Farabi atyndaǵy Qazaq memlekettik ulttyq ýniversitetin támamdaǵan. Mamandyǵy boiynsha biliktiligi — jýrnalist.
Eńbek jolyn 1993 jyly «Qazaqstan» memlekettik teleradio habarlaryn taratý kompaniiasynyń redaktory qyzmetinen bastaǵan.
1994 jylǵy mamyr-qazan ailary aralyǵynda «Qazaqstan televiziiasy men radiosy» respýblikalyq korporatsiiasynyń reportery boldy.
1994-1995 jyldary — orta mektep muǵalimi.
1995-1997 jyldary — «Raihan-TV» telekompaniiasynyń diktory.
1997 jylǵy shilde-qyrkúiek ailary aralyǵynda — «Taraz-TV» qalalyq telearnasynyń redaktory.
1997-2000 jyldary — «Aqnur» jáne «Azan» toptarynyń redaktory, jetekshisi, «Jambyl oblystyq teleradiokompaniiasy» JAQ kommentatory.
2000-2003 jyldary — «Qazaqstan temir joly» JAQ bas mamany.
2003-2005 jyldary — «Egemen Qazaqstan» respýblikalyq gazetiniń tilshisi.
2005 jylǵy aqpan-maýsym aralyǵynda — «QR Prezidentiniń TRK» UAQ bóliminiń meńgerýshisi.
2005-2006 jyldary — «Qazaqstan Respýblikasy Prezidentiniń TRK» UAQ bólim meńgerýshisi.
2006 jylǵy naýryz-tamyz aralyǵynda — QR Prezidenti Baspasóz qyzmetiniń bas sarapshysy.
2006-2007 jyldary — «Egemen Qazaqstan» respýblikalyq gazetiniń sholýshysy.
2007-2012 jyldary — QR Prezidenti Ákimshiliginde túrli qyzmetter atqarǵan.
2012-2013 jyldary — QR Mádeniet jáne aqparat ministrliginiń Aqparat jáne muraǵat komiteti tóraǵasynyń orynbasary.
2013-2017 jyldary — QR Memlekettik hatshysy Hatshylyǵy meńgerýshisiniń orynbasary. 2017 jyldyń maýsym-qarasha aralyǵynda — «Egemen Qazaqstan» respýblikalyq gazetiniń bas redaktory.
2017-2019 jyldary — QR Mádeniet jáne sport ministrligi Til saiasaty komitetiniń tóraǵasy.
2019 jylǵy naýryzdan bastap qazirgi tańǵa deiin — QR Memlekettik hatshysy hatshylyǵy meńgerýshisiniń orynbasary.
