foto: Sputnik Qazaqstan
Aibolat Jaýdyr Nur-Sultan qalasyndaǵy Qalibek Qýanyshbaev atyndaǵy Memlekettik akademiialyq qazaq mýzykalyq drama teatrynyń jańa direktory bolyp taǵaiyndaldy, dep habarlaidy "Ult aqparat".
Aibolat Janǵaliuly - 1978 jyly Batys Qazaqstan oblysy, Jańaqala aýdany, Piatimar sovhozy, Aqqus aýylynda dúniege kelgen.
1995-1999 jyldar aralyǵynda M.Áýezov atyndaǵy Ońtústik Qazaqstan Memlekettik ýniversitetin «Menedjer jáne teatr ujymyn basqarýshy» mamandyǵy boiynsha bitirgen.
Eńbek jolyn 1999-2000 jyldary Oral qalasyndaǵy «TDK-42» telearnasynda redaktor qyzmetinde bastady.
2000-2006 jyldary Astana qalasynyń Q.Qýanyshbaev atyndaǵy Qazaq mýzykalyq drama teatrynda administrator, bas administrator.
2005-2007 jyldar aralyǵynda Qaraǵandy Ekonomikalyq ýniversitetin «Zańger» mamandyǵy boiynsha támamdady.
2006 jyldan atalmysh teatrda direktordyń kórermen jónindegi orynbasary; 2012 jyldan teatr direktorynyń birinshi orynbasary; 2013 jyldyń 1 qarashasynan bastap, Astana qalasy ákimdiginiń «Jastar teatry» MKQK direktory boldy.
2016-2019 jyldar aralyǵynda Qalibek Qýanyshbaev atyndaǵy Memlekettik akademiialyq qazaq mýzykalyq drama teatrynyń direktory.
2019-2022 jyldary M. Gorkii atyndaǵy memlekettik akademiialyq orys drama teatrynyń direktory qyzmetin atqardy.
