QR Ulttyq ekonomika ministri Álibek Qýantyrov jýrnalisterge Ulttyq qordan kepildendirilgen transfertti naqtylaý ne úshin qajet bolǵanyn túsindirdi, dep habarlaidy QazAqparat.
«Ulttyq qordan qaita-qaita aqsha ala berý qanshalyqty oryndy? Jinaqtalǵan qarajattiń túbi kórinip qalmai ma?», - dep surady BAQ ókilderi Ulttyq ekonomika ministrinen.
«Birinshiden, bul sharalardan tirnektep jinaǵan qarajattyń túbi kórinip qalmaidy. Ulttyq qordyń aktivteri boiynsha burynǵy deńgeide qalamyz. Onyń ústine biz Ulttyq qordyń jalpy ónimge qatysty tómengi shegin kóteremiz. Bul shama jalpy ishki ónimniń 30 paiyzynan kem bolmaýy kerek. Biz Ulttyq qordan aqshany Memleket basshysynyń qańtardyń basynan beri júktegen tapsyrmalaryn iske asyrýǵa alamyz. Sondai-aq, túrli baǵdarlamalyq qujattarǵa bólemiz», - dedi Álibek Qýantyrov.
Sondai-aq, ol Ulttyq qordyń mindeti keleshekke qor jinaýmen shektelmeidi degen ýáj aitty.
«Ulttyq qordyń birneshe fýnktsiiasy bar. Jinaqtaý, investitsiialaý jáne daǵdarysqa qarsy fýnktsiialary bar. Iaǵni, bul – qalypty protsess, kontrtsikldik biýdjet saiasaty», - dedi vedomstvo basshysy.
