Astanada eks-ministr Qýandyq Bishimbaevqa qatysty sot protsesi jalǵasyp jatyr. Búgin Bishimbaevtyń advokattarynyń biri Erlan Ǵazymjanov marqum Saltanat Núkenovanyń Qýandyq Bishimbaevqa jazǵan hatyn oqyp berdi, dep habarlaidy "Ult aqparat".
"Men, Saltanat Núkenova, Qýandyqqa senýge, qyzǵanbaýǵa ýáde beremin. Psihologqa únemi baryp turýǵa, óz-ózimmen, senimimmen jumys isteýge ýáde beremin. Shynaiy, til alǵysh bolamyn jáne Qýandyqty qurmetteitin bolamyn. Otbasynyń oshaǵyn qorǵaityn aiaýly da qamqor jar bolamyn. Boǵaýyz sóz aitpaimyn, jyndanbaimyn. Onyń aitqanyna senetin bolamyn, onyń maǵan tek jaqsylyq tileitinine senemin. Súiikti Qýandyǵyma qamqor bolýǵa, qurmetteýge, árqashan qoldaý kórsetýge mindettenemin. Men Qýandyqpen birge namaz oqyp, rýhani ósip, Allanyń kómegimen úiim men mahabbatymyzdy qorǵaimyn", - dep jazǵan ol.
Sýdia Aijan Qulbaeva mundai hatqa tańǵalyp, advokattarǵa suraq qoidy.
"Áieli kúieýine mundai hat jazǵan ba? Muny qalai túsinýge bolady? Áieldiń kúieýine osylai jazǵanyn alǵash ret kórip turmyn", - dedi Qulbaeva.
Qorǵaýshylar osy hatty iske qospaq boldy, alaida sot dálel joq dep ruqsat bermedi.
