استانادا ەكس-مينيستر قۋاندىق بيشٸمباەۆقا قاتىستى سوت پروتسەسٸ جالعاسىپ جاتىر. بٷگٸن بيشٸمباەۆتىڭ ادۆوكاتتارىنىڭ بٸرٸ ەرلان عازىمجانوۆ مارقۇم سالتانات نٷكەنوۆانىڭ قۋاندىق بيشٸمباەۆقا جازعان حاتىن وقىپ بەردٸ, دەپ حابارلايدى "ۇلت اقپارات".
"مەن, سالتانات نٷكەنوۆا, قۋاندىققا سەنۋگە, قىزعانباۋعا ۋەدە بەرەمٸن. پسيحولوگقا ٷنەمٸ بارىپ تۇرۋعا, ٶز-ٶزٸممەن, سەنٸمٸممەن جۇمىس ٸستەۋگە ۋەدە بەرەمٸن. شىنايى, تٸل العىش بولامىن جەنە قۋاندىقتى قۇرمەتتەيتٸن بولامىن. وتباسىنىڭ وشاعىن قورعايتىن اياۋلى دا قامقور جار بولامىن. بوعاۋىز سٶز ايتپايمىن, جىندانبايمىن. ونىڭ ايتقانىنا سەنەتٸن بولامىن, ونىڭ ماعان تەك جاقسىلىق تٸلەيتٸنٸنە سەنەمٸن. سٷيٸكتٸ قۋاندىعىما قامقور بولۋعا, قۇرمەتتەۋگە, ەرقاشان قولداۋ كٶرسەتۋگە مٸندەتتەنەمٸن. مەن قۋاندىقپەن بٸرگە ناماز وقىپ, رۋحاني ٶسٸپ, اللانىڭ كٶمەگٸمەن ٷيٸم مەن ماحابباتىمىزدى قورعايمىن", - دەپ جازعان ول.
سۋديا ايجان قۇلباەۆا مۇنداي حاتقا تاڭعالىپ, ادۆوكاتتارعا سۇراق قويدى.
"ەيەلٸ كٷيەۋٸنە مۇنداي حات جازعان با? مۇنى قالاي تٷسٸنۋگە بولادى? ەيەلدٸڭ كٷيەۋٸنە وسىلاي جازعانىن العاش رەت كٶرٸپ تۇرمىن", - دەدٸ قۇلباەۆا.
قورعاۋشىلار وسى حاتتى ٸسكە قوسپاق بولدى, الايدا سوت دەلەل جوق دەپ رۇقسات بەرمەدٸ.
