Foto: Joǵarǵy Sot
Buǵan deiin 24 jylǵa sottalǵan eks-ministr Qýandyq Bishimbaev taǵy bir sot talqylaýyna kirgizilmek. Bul týarly advokat Erlan Ǵazymjanov málimdedi, dep habarlaidy Ult.kz.
Advokattyń aitýynsha, aldaǵy sot talqylaýy aliment kelisiminiń ózgerýine bailanysty bolmaq.
"Bul kelisim Qýandyq bostandyqta bolyp, biznespen ainalysqan jáne tabys kózi bolǵan kezde jasalǵan. Árine, ol kezde balalarǵa alimenttiń shamadan tys mólsheri taǵaiyndaldy. Qazir jaǵdai ózgerdi, ol jumys istemeidi jáne bul alimentti ata-anasyna tóleýge týra keldi. Sondai-aq Qýandyqta qandai da bir jinaq boldy, sol jerden de qarajat alyndy", - dedi ol.
Qazir Qýandyq Bishimbaev koloniiada jumys istemeidi. Óitkeni bos oryndar az. Al aliment kelisiminiń sharttary qupiia. Sondai-aq, marqum Saltanat Núkenovanyń aǵasy Aitbek Amangeldimen arada taǵy bir sot talqylaýy bolýy múmkin.
"Taǵy bir sot talqylaýy bolady. Saltanat Núkenovanyń aǵasy Joǵarǵy sotqa moraldyq zalaldyń mólsherin ulǵaitý týraly sheshimge konstitýtsiialyq shaǵym túsirdi. Shaǵym Joǵarǵy sotta, is tirkelgen. Biraq onyń konstitýtsiialyq sotqa beriletini áli belgisiz. Jalpy, ol 1,5 mlrd teńge surady. Birinshi satydaǵy sot 10 mln óndirip aldy. Bul aqsha tólendi. Biraq ol 1,5 mlrd talap etýdi jalǵastyrýda. Apelliatsiia sheshimdi ózgerissiz qaldyrdy", - dedi Erlan Ǵazymjanov.
