Belarýste ekstremistik dep tanylǵan Nexta Telegram-arnasyn jasaýshylardyń biri Roman Protasevich ushyp bara jatqan Ryanair ushaǵy Minskige shuǵyl túrde qonyp jatqanyn túsingende qatty qoryqqan. Bul týraly RIA Novosti jazdy, - dep habarlaidy Tengrinews.kz.
Litvalyq Delfi portalynda Protasevich ustalǵan sátti baiandap bergen jolaýshynyń sózi jariialandy.
"OMON kirip, ustady (Protasevichti - avtor.). Biz ne isterimizdi bilmei qaldyq, olar shabadandarymyzdy tekserdi, sol ýaqytta ony ustady", - dedi jolaýshy. Ol qaýipsizdik kúshteri basqa jolaýshylardyń kózinshe kúsh qoldanbaǵanyn aitty.
"Bizdiń kózimizshe kúsh qoldanylmady. Ol qatty qorqyp turdy. Men onyń kózine qarap turdym, qatty ýaiymdadyq", - deidi kýáger.
Onyń aitýynsha, jolaýshylar dálizde úsh saǵat otyrǵan.
Delfi málimetinshe, bir jolaýshy ne úshin tintý balǵany olarǵa túsindirilmegenin aitqan. Taǵy bir jup joiǵysh ushaqtardy kórgenin aitqan.
Portal málimetinshe, ol qyz Protasevichti de kórgen. "Ol ushaqtyń Minskige qonǵanyn estigende, oǵan qaraý qorqynyshty boldy", - deidi áiel.
"Ol ólim jazasyna kesilýi múmkin ekenin aitty. Onyń súiiktisi ekeýmiz búkil kútý protsesin birge bastan ótkerdik. Ol janynda turdy, al biz qalai kómektesýge bolady dep oilanyp turdyq. Biraq qandai da bir áreket jasaý múmkin bolmady, jaǵdai solai boldy", - dedi taǵy bir jolaýshy.
Eske salaiyq, 23 mamyrda kúndiz Ryanair áýe kompaniiasynyń Afinadan Vilniýske ushyp bara jatqan ushaǵy Minskide shuǵyl qonǵan. "Ushaq bomba qoiyldy degen habardan keiin qondyryldy", - delingen áýejai habarlamasynda. Keiin bul aqparat rastalmady.
Ushaq bortynda jýrnalist, Nexta telegram-arnasynyń burynǵy bas redaktory Roman Protasevich bolǵan. Nexta 2020 jylǵy tamyzda Belarýstegi prezidenttik sailaýdyń nátijeleri jariialanǵannan keiin jappai narazylyq kezinde oppozitsiianyń negizgi alańdarynyń biri boldy.
