«QTJ» UK» AQ temirjol joldarynda kúrdeli jóndeý júrgizilýine bailanysty jolaýshylar poiyzdarynyń qozǵalys kestesinde ózgerister bolatynyn málim etti, dep habarlaidy "Ult aqparat" kompaniianyń resmi saityna silteme jasap.
«Biylǵy jyldyń sáýir aiynan bastap qozǵalys qaýipsizdigin jáne jolaýshylar men júk poiyzdarynyń jyldamdyǵyn arttyrýǵa baǵyttalǵan temirjol joldaryn jańartý jumystary bastaldy. Jumystar shtattyq rejimde, kidirissiz júrip jatyr. Koronavirýs infektsiiasymen kúres aiasynda qabyldanǵan barlyq qaýipsizdik sharalary eskerildi. «QTJ» UK» AQ keltirilgen qolaisyzdyqtar úshin jolaýshylardan keshirim suraidy jáne jumysty tezirek aiaqtaý úshin barlyq qajetti sharalar qabyldaidy», - delingen habarlamada.
Kompaniia «Temir jol kóligi týraly» Qazaqstan Respýblikasynyń 2001 jylǵy 8 jeltoqsandaǵy Zańynyń 80-babynyń 3-tarmaǵyna sáikes jolaýshylar poiyzy keshikkeni úshin aiyppul tóleý kózdelgenin eske salady.
80-baptyń 3-tarmaǵyna sáikes, «Jolaýshylar tasymaldaityn poiyzdy kidirtkeni, sondai-aq baratyn temirjol stantsiiasyna keshigip kelgeni úshin tasymaldaýshy, eger kidirý nemese keshigý tejeýsiz kúshtiń saldarynan bolǵanyn dáleldei almasa, jolaýshynyń shekken zalalyn ótei otyryp, oǵan keshikken ár saǵat úshin jol júrý qujaty (bileti) qunynyń úsh protsenti mólsherinde aiyppul tóleidi».
Óndirip alynǵan aiyppuldyń somasy jol júrý qujatynyń (bilettiń) qunynan aspaýǵa tiis.
Jolaýshy poiyzy keshikkeni úshin aiyppul tóleý tasymaldaý erejelerine sáikes jolaýshynyń ótinishi boiynsha júrgiziledi.
Ótemaqy alý úshin jolaýshy sońǵy kelý pýnktindegi vokzal kezekshisinen jol júrý qujatynda (bilette) keshiktirilgen saǵattar týraly jazbany mindetti túrde alýy kerek. Osy qujatpen, sondai-aq jeke basyn kýálandyratyn qujatpen birge jolaýshy zańda kózdelgen ótemaqyny alý úshin QTJ-nyń kez-kelgen kassasyna júgine alady.
