© Pixabay / 652234
Bas kólik prokýratýrasynyń úilestirýimen Kóliktegi departamenttiń Uiymdasqan qylmysqa qarsy kúres basqarmasy 2 jyl boiy temir joldardyń jaǵdaiyn jaqsartýǵa arnalǵan materialdardy urlaýmen ainalysqan qylmystyq topty áshkereledi, - dep habarlaidy "Ult aqparat" Bas kólik prokýratýrasyna silteme jasap.
Tergeý pikirinshe, urlanǵan tósemder, shpaldar, relster jáne basqa da taýarlar jaramsyz nemese belgili bir aqaýlary bar jol tóseminiń joǵarǵy qurylymynyń bólikterimen aýystyryldy dep jalǵan málimetpen esepten shyǵarylǵan.
"Qylmystyq topqa "QTJ "UK" AQ Qaraǵandy bólimshesiniń qazirgi jáne burynǵy 17 jumysshysy tartylǵan. Olarǵa politsiia qyzmetkeri qamqorlyq jasaǵan.
Aldyn ala eseptelgen shyǵyn 127 million teńgeden asa somaǵa baǵalandy, bul - 800 tonnaǵa jýyq materialdar", - delingen habarlamada.
Búginde urlanǵan taýarlardyń kópshiligin satyp alýshylar men olardyń ornalasqan jerleri, sondai-aq tasymaldaityn júk kólikteri anyqtalǵan.
"Sottyń sanktsiiasy boiynsha, Jańaarqa jol distantsiiasynyń ýchaske bastyǵy jáne onyń orynbasary, sondai-aq jelilik politsiia bólimshesiniń bastyǵy tergeý izoliatoryna qamaldy.
Ózge aqparat QPK-niń 201-babyna sáikes jariialanbaidy", - delingen habarlamada.
