Tasymal protsesiniń qaýipsizdigin qamtamasyz etý «QTJ» UK» AQ-nyń eń basty mindetteriniń biri bolyp tabylady jáne solai qala beredi.
Jyl saiyn poiyzdar qozǵalysynyń kepildi qaýipsizdigin qamtamasyz etýge baǵyttalǵan birqatar is-sharalar ázirlenedi. Paidalanýdaǵy temir joldardy ustap turýdyń sapasyn arttyrý boiynsha sharalar qabyldanýda.
Aǵymdaǵy jyly 890 km astam temirjol tósemi jańǵyrtyldy. Qaraǵandy, Qostanai, Shyǵys Qazaqstan, Pavlodar oblystarynda 416 km temir joly kúrdeli jóndeýden ótti.
Bul rette salalyq vedomstvonyń josparly tekserisi barysynda anyqtalǵan kemshilikterdi joiý boiynsha shuǵyl jumystar júrgizildi. Búginde atalǵan magistraldyq jeli shegindegi poiyzdar qozǵalysy keste boiynsha júzege asyrylýda.
Relstik joltabandy jappai aýystyrý 181 km júzege asty. Keshendi jol mashinalarymen 4600 km astam jol saýyqtyrylyp, 280 km lastanǵan ballast tazartyldy, 435 km jolǵa túzetý men tegisteý júrgizildi. Atlas jol mashinasynyń kómegimen 2000 km astam rels tegisteldi.
Jol jumystarynyń tiimdiligin arttyrý úshin 185 danadan astam tehnikalyq qural jańartylyp, 1130 danadan astam shaǵyn mehanizatsiialy qural satyp alyndy. Ótkizilip jatqan jol jumystarynyń tehnologiialyq protsesterin saqtaý úshin jol sharýashylyǵy jumyskerleri shtaty men sanynyń normativi qaita qaraldy. 1000 astam óndiristik personal qyzmetkerleri biliktilikti arttyrý kýrstary men oqytýdan ótkizildi.
Atqarylǵan jumystar kesheni jolaýshylar men júk poiyzdary úshin qozǵalys jyldamdyǵyn arttyrýǵa qol jetkizýge múmkindik berdi.
