«Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy «Qazaqstan temir joly» Ulttyq kompaniiasy» Aktsionerlik qoǵamynyń basqarma tóraǵasy Nurlan Saýranbaevty qabyldady. Bul týraly Elbasy saity habarlady.
Kezdesýde Qazaqstannyń Tuńǵysh Prezidenti táýelsizdik jyldaryndaǵy elimizdegi infraqurylymdyq damý nátijelerine toqtalyp, temir jol jelilerin keńeitý salasyndaǵy jetistikterdi atap ótti.
«Biz infraqurylymdyq jobalardy iske asyrý úshin kóp jumys atqardyq. Osy ýaqyt ishinde eki jarym myń shaqyrym temir jol salyndy. Sóitip, elimizdiń temir jol jelilerin damyttyq», – dedi Elbasy.
Nursultan Nazarbaevqa eldiń kólik-logistikalyq áleýetin iske asyrý, eksporttyq jáne tranzittik tasymaldy ulǵaitý, kórsetiletin qyzmet sapasyn arttyrý baǵytynda kompaniianyń atqaryp jatqan sharalary týraly baiandaldy.
