Foto: QTJ baspasóz qyzmeti
"QTJ-Júk tasymaly" JShS men TOO HILL Corporation arasyndaǵy básekelestikke qarsy kelisim anyqtaldy, dep habarlaidy Básekelestikti qorǵaý jáne damytý agenttigi.
Lokomotivterge motor maiyn jetkizý salasyndaǵy kelisimniń somasy 12 milliard teńgeden (24 million dollardan) asqan.
"Tergeý kórsetkendei, lokomotivterge arnalǵan motor mailaryn satyp alý kezinde "QTJ-JT" áleýetti jetkizýshilerdi satyp alýlarǵa qatystyrmaý maqsatynda olarǵa qatysty shettetý áreketterin qoldanǵan. Osylaisha, "QTJ-JT" áreketi bastapqy kezden HILL korporatsiiasynyń múddesi úshin jasalǵan", - dep habarlady vedomstvodaǵylar.
Agenttik júrgizgen tergep-tekserý nátijelerine qatysty kompaniia sotqa shaǵymdanǵan. Alaida, 2025 jyldyń 11 naýryzyndaǵy Joǵarǵy sot qaýlysyna sáikes, jergilikti sottardyń "HILL Corporation" JShS men "KTJ-Júk tasymaldaý" JShS-ǵa qatysty agenttik tergep-tekserýiniń zańdy ekeni týraly sheshimderi óz kúshine endi.
