فوتو: قتج باسپاسٶز قىزمەتٸ
"قتج-جٷك تاسىمالى" جشس مەن TOO HILL Corporation اراسىنداعى بەسەكەلەستٸككە قارسى كەلٸسٸم انىقتالدى, دەپ حابارلايدى بەسەكەلەستٸكتٸ قورعاۋ جەنە دامىتۋ اگەنتتٸگٸ.
لوكوموتيۆتەرگە موتور مايىن جەتكٸزۋ سالاسىنداعى كەلٸسٸمنٸڭ سوماسى 12 ميلليارد تەڭگەدەن (24 ميلليون دوللاردان) اسقان.
"تەرگەۋ كٶرسەتكەندەي, لوكوموتيۆتەرگە ارنالعان موتور مايلارىن ساتىپ الۋ كەزٸندە "قتج-جت" ەلەۋەتتٸ جەتكٸزۋشٸلەردٸ ساتىپ الۋلارعا قاتىستىرماۋ ماقساتىندا ولارعا قاتىستى شەتتەتۋ ەرەكەتتەرٸن قولدانعان. وسىلايشا, "قتج-جت" ەرەكەتٸ باستاپقى كەزدەن HILL كورپوراتسيياسىنىڭ مٷددەسٸ ٷشٸن جاسالعان", - دەپ حابارلادى ۆەدومستۆوداعىلار.
اگەنتتٸك جٷرگٸزگەن تەرگەپ-تەكسەرۋ نەتيجەلەرٸنە قاتىستى كومپانييا سوتقا شاعىمدانعان. الايدا, 2025 جىلدىڭ 11 ناۋرىزىنداعى جوعارعى سوت قاۋلىسىنا سەيكەس, جەرگٸلٸكتٸ سوتتاردىڭ "HILL Corporation" جشس مەن "كتج-جٷك تاسىمالداۋ" جشس-عا قاتىستى اگەنتتٸك تەرگەپ-تەكسەرۋٸنٸڭ زاڭدى ەكەنٸ تۋرالى شەشٸمدەرٸ ٶز كٷشٸنە ەندٸ.
