«Qazaqstan temir joly» ulttyq kompaniiasy Áliia Nazarbaevanyń «Instant Payments» kompaniiasymen jasalǵan shartqa qatysty túsinik berdi, dep habarlaidy QazAqparat.
Ortalyq kommýnikatsiialar qyzmeti alańynda ótken baspasóz máslihatynda kompaniia ókiline «QTJ Áliia Nazarbaevanyń «Instant Payments» kompaniiasymen jasalǵan shartty qashan buzady?» degen saýal qoiyldy.
Bul saýalǵa «Qazaqstan temir joly» AQ ulttyq kompaniiasynyń satý jáne klienttermen jumys júrgizý departamentiniń direktory Erlan Jamaiylov jaýap berdi.
«Biylǵy aqpan aiynan bastap tiisti rásimdi júrgizip jatyrmyz. 18 naýryzda shartty buzý týraly kelisim jasaldy. Qazirgi kúni eki tarap qol qoidy. Biraq bul óndiristik protsess bolǵandyqtan, jolaýshylardyń bilet satyp alýyna kedergi keltirmei, tasymaldaý qyzmetinde aqaý bolmas úshin birtindep ótýimiz kerek. Búgingi tańda jańa úlgidegi shartty kelisý jáne ashyq tender qujattaryn rásimdep jatyrmyz», - dedi ol.
Onyń aitýynsha, kelisim protsedýrasy «Samuryq-Qazyna» ál-aýqat qory bekitken erejege sáikes júredi.
«Búgingi tańda úlgilik shartty kelisý rásimi júrgizilip jatyr, sodan keiin shart bekitiledi. Araǵa 45 kún salyp shart resmi saitqa jariialanady. Ondaǵy maqsat – kez kelgen adam tanysýy úshin jáne ashyq tenderge niet bildirýshiler erkin qatysa alady. Tenderdi osy jazdyń sońyna deiin ótkizý josparlanyp otyr», - dedi Jamaiylov.
