Antikor "Qazaqstan temir joly" UK" AQ qyzmetindegi sybailas jemqorlyq táýekelderin taldaýǵa kirisedi, - dep habarlaidy "Ult aqparat" vedomstvo baspasóz qyzmetine silteme jasap.
Sybailas jemqorlyqqa qarsy is-qimyl agenttigi "Qazaqstan temir joly" UK" AQ qyzmetindegi sybailas jemqorlyq táýekelderine syrtqy taldaý bastalǵanyn habarlady.
"Taldaý barysynda temir jol salasynda sybailas jemqorlyq quqyq buzýshylyqtardyń jasalý sebepteri men jaǵdailary zerdelenedi, bul ulttyq operator qyzmetiniń tiimdiligine, buryn memlekettik biýdjetten jáne Ulttyq qordan alynǵan qarajattyń jumsalýyna áser etedi", - delingen habarlamada.
Antikor málimetinshe, taldaýdy agenttiktiń, Ulttyq kompaniianyń, múddeli memlekettik organdardyń mamandary jáne azamattyq qoǵam ókilderi júrgizedi.
"Sybailas jemqorlyq táýekelderi týraly aqparat jáne taldanyp otyrǵan salany jetildirý boiynsha usynystar bolǵan jaǵdaida, abdrakhmanov.n@antikor.gov.kz elektron poshtaǵa jiberýdi suraimyz.
Eger sizge sybailas jemqorlyq deregi nemese daiyndalyp jatqan qylmystar týraly belgili bolsa, 1424 sybailas jemqorlyqqa qarsy qyzmetiniń Call-ortalyǵyna 24/7 rejiminde habarlai alasyz", - delingen habarlamada.
