4 aqpan kúni Respýblikanyń Konstitýtsiialyq Keńesi Qazaqstan Respýblikasynyń Prezidenti N.Á. Nazarbaevtyń Qazaqstan Respýblikasy Konstitýtsiiasynyń 42-babynyń 3-tarmaǵyna resmi túsindirme berý týraly ótinishin konstitýtsiialyq is júrgizýge qabyldaýyn sarapshylar arasynda ár túrli baǵalanyp, túrli boljamdar jasala bastady. Qoǵamda, sarapshylar arasynda «bul kezekten tys sailaýdyń belgisi» dese, «bilik tranziti» stsenariiiniń júzege asýy» degen pikirler basym boldy.
Prezident 2018 jyly qazaqstandyq jýrnalisterge bergen suhbatynda «Qazaqstanda kezekten tys sailaý josparlanbaǵanyn», «aldaǵy prezident sailaýyna qatysý-qatyspaityny týraly keiin jariialaitynyn, 2020 jylǵa deiin áli ýaqyt baryn» atap ótken bolatyn.
Negizinen, Konstitýtsiialyq Keńes Konstitýtsiianyń 72-babyna sáikes Prezidenttiń merziminen buryn qyzmetinen bosatý týraly Konstitýtsiia normalaryna resmi túsindirme, belgilengen konstitýtsiialyq rásimderdiń saqtalýyna tiesili qorytyndy jasaýǵa quqyly. Konstitýtsiialyq Keńes is júrgizýge qabyldanǵan ótinishti bir ai ishinde qarap, qorytyndy sheshim shyǵarady. Degenmen, zańǵa sáikes qorytyndy sheshim qabyldaý úshin beriletin bir ailyq merzim kúntizbelik on kúnge deiin qysqartylýy múmkin. Bul ádettegi protsedýralyq is-sharalar.
Konstitýtsiialyq Keńes málimeti boiynsha, 1996 jylǵy qańtar aiynan bastap qazirgi tańǵa deiin Konstitýtsiialyq Keńeske 190-nan astam ótinish, onyń ishinde, 23 ótinish - Memleket basshysynan, 77 ótinish - Parlament Palatalarynyń tóraǵalary men onyń depýtattarynan, 27 ótinish – ár túrli kezeńde qyzmet atqarǵan Premer-Ministrlerden, 68 ótinish - sottardan túsken, iaǵni bul zań sheńberinde taǵy bir suraý salýǵa quqyqtanýshy-ǵalymdardy qatystyra otyryp, túsindirme jumysyn júzege asyrý dep esepteýge bolady.
Tájiribede bar túsindirme jumysynyń dáleli - osy ýaqytqa deiin Konstitýtsiialyq Keńes shamamen 30 zań jáne halyqaralyq shartty tolyqtai nemese ishinara konstitýtsiialyq emes dep tanyǵan bolatyn.
Joldybalina Alýa,
Qazaqstan Respýblikasy Prezidenti janyndaǵy QSZI bólim basshysy
.jpeg)