Japoniia úkimeti Tokioǵa jaqyn jerde karantinde jatqan The Diamond Princess krýizdik laineriniń ekipaj músheleri men jolaýshylary arasynda koronavirýs juqtyrǵandar sany 355 adamǵa jetkenin málim etti, dep habarlaidy "Ult aqparat".
Sondai-aq, eldiń ishinde de koronavirýs juqtyrǵandar sany artyp keledi. Sarapshylar jaǵdaidyń ýshyǵýy múmkin ekenin eskertip jatyr.
Densaýlyq saqtaý, eńbek jáne áleýmettik qamsyzdandyrý ministrligi aýrý juqtyrǵan 70 jolaýshynyń 38-iniń qyzýy kóterilmegenin jáne jótelmegenin habarlady. Kemede barlyǵy 1219 adam analiz tapsyrǵan. Qazirgi ýaqytta kemede 3400 jolaýshy men ekipaj músheleri bar, dep habarlaidy Kyodo.
AQSh úkimetine qarasty eki ushaq kemeniń bortyndaǵy 400 AQSh azamatyn evakýatsiialaý úshin Japoniiaǵa ushyp kelýi tiis. Kanada, Gonkong jáne Izrail Japoniiaǵa kemedegi óz azamattaryn evakýatsiialaý úshin charterlik reis jiberýge daiyndalyp jatqanyn málimdedi.
Sondai-aq, Japoniia keshe keshkisin indettiń oshaǵyna ainalǵan Ýhan qalasynan óz azamattaryn evakýatsiialaý úshin besinshi charterlik reisti jiberdi. 700-den astam adam elge oralǵan.
