Máskeý soty "Krokýs Siti Holldaǵy" teraktige kúdiktilerdi qamaýǵa alý túrindegi bultartpaý sharasyn tańdady. Kúdiktiler lańkestikke kináli ekenin moiyndady, dep habarlaidy "Ult aqparat" RBK basylymyna silteme jasap. Kúdiktiler týraly ne belgili?
Mirzoev Dalerdjon Barotovich – 32 jasta, Tájikstan azamaty, kámeletke tolmaǵan tórt balasy bar. Onyń Reseide ýaqytsha tirkeýi bolǵan, Novosibirde úsh ai ýaqytsha yqtiiarhatpen turǵan, biraq merzimi ótip ketken. "Krokýstaǵy" teraktige qatysqanyn tolyqtai moiyndady.
Rachabalizod Saidakrami Mýrodali – 1994 jyly týǵan. Úilengen, balasy bar. Jumyssyz, támamdamaǵan orta bilimi bar. Óz sózi boiynsha, Reseide ýaqytsha tirkeýde turǵan, biraq qai eldi mekende tirkelgeni belgisiz. Orys tilinde sóilemeidi, aýdarmashy arqyly jaýap alynǵan. Teraktige qatysqanyn tolyqtai moiyndady. Ustaý operatsiiasy kezinde qulaǵy kesilgen.
Shamsidin Faridýni – 1998 jyly Tájikstanda týǵan, osy eldiń azamaty. 8 ailyq balasy bar. Faridýni Reseidiń Podolsk qalasynda fabrikada jumysqa ornalasqan, Krasnogorskte turǵylyqty jeri boiynsha tirkelgen. Terakt qarsańynda Túrkiiada bolyp, Instagram jelisinde sýretter jariialaǵan. Máskeýdegi teraktige qatysqanyn tolyqtai moiyndady. Ol jaýap alý kezinde belgisiz ýaǵyzshynyń aqsha úshin adam óltirý týraly usynysyna keliskenin jáne bir ai boiy daiyndalǵanyn málimdegen. Sotta aýdarmashynyń kómeginsiz sóilesken.
Mýhammadsobir Faizov – 2004 jyly týǵan. Ýaqytsha jumyssyz, buǵan deiin Reseidiń Ivanovosynda tirkelgen, jergilikti barbershopta shashtaraz bolǵan. Ustaý operatsiiasy kezinde kózi aǵyp ketken. Faizov "Krokýstaǵy" terakt kezinde jurtty avtomattan atý sátin videoǵa túsirgen jáne aq tústi "Reno" kóligin júrgizgen. Boidaq, balasy joq.
Tórt kúdiktige qatysty 22 mamyrǵa deiin qamaýda ustaý túrindegi bultartpaý sharasy tańdaldy. Olarǵa top bolyp terroristik akt jasady degen aiyp taǵylǵan, bul baptyń jazasy – ómir boiyna bas bostandyǵynan aiyrý.
