مەسكەۋ سوتى "كروكۋس سيتي حوللداعى" تەراكتٸگە كٷدٸكتٸلەردٸ قاماۋعا الۋ تٷرٸندەگٸ بۇلتارتپاۋ شاراسىن تاڭدادى. كٷدٸكتٸلەر لاڭكەستٸككە كٸنەلٸ ەكەنٸن مويىندادى, دەپ حابارلايدى "ۇلت اقپارات" ربك باسىلىمىنا سٸلتەمە جاساپ. كٷدٸكتٸلەر تۋرالى نە بەلگٸلٸ?
ميرزوەۆ دالەردجون باروتوۆيچ – 32 جاستا, تەجٸكستان ازاماتى, كەمەلەتكە تولماعان تٶرت بالاسى بار. ونىڭ رەسەيدە ۋاقىتشا تٸركەۋٸ بولعان, نوۆوسٸبٸردە ٷش اي ۋاقىتشا ىقتييارحاتپەن تۇرعان, بٸراق مەرزٸمٸ ٶتٸپ كەتكەن. "كروكۋستاعى" تەراكتٸگە قاتىسقانىن تولىقتاي مويىندادى.
راچاباليزود سايداكرامي مۋرودالي – 1994 جىلى تۋعان. ٷيلەنگەن, بالاسى بار. جۇمىسسىز, تەمامداماعان ورتا بٸلٸمٸ بار. ٶز سٶزٸ بويىنشا, رەسەيدە ۋاقىتشا تٸركەۋدە تۇرعان, بٸراق قاي ەلدٸ مەكەندە تٸركەلگەنٸ بەلگٸسٸز. ورىس تٸلٸندە سٶيلەمەيدٸ, اۋدارماشى ارقىلى جاۋاپ الىنعان. تەراكتٸگە قاتىسقانىن تولىقتاي مويىندادى. ۇستاۋ وپەراتسيياسى كەزٸندە قۇلاعى كەسٸلگەن.
شامسيدين فاريدۋني – 1998 جىلى تەجٸكستاندا تۋعان, وسى ەلدٸڭ ازاماتى. 8 ايلىق بالاسى بار. فاريدۋني رەسەيدٸڭ پودولسك قالاسىندا فابريكادا جۇمىسقا ورنالاسقان, كراسنوگورسكتە تۇرعىلىقتى جەرٸ بويىنشا تٸركەلگەن. تەراكت قارساڭىندا تٷركييادا بولىپ, Instagram جەلٸسٸندە سۋرەتتەر جارييالاعان. مەسكەۋدەگٸ تەراكتٸگە قاتىسقانىن تولىقتاي مويىندادى. ول جاۋاپ الۋ كەزٸندە بەلگٸسٸز ۋاعىزشىنىڭ اقشا ٷشٸن ادام ٶلتٸرۋ تۋرالى ۇسىنىسىنا كەلٸسكەنٸن جەنە بٸر اي بويى دايىندالعانىن مەلٸمدەگەن. سوتتا اۋدارماشىنىڭ كٶمەگٸنسٸز سٶيلەسكەن.
مۋحاممادسوبير فايزوۆ – 2004 جىلى تۋعان. ۋاقىتشا جۇمىسسىز, بۇعان دەيٸن رەسەيدٸڭ يۆانوۆوسىندا تٸركەلگەن, جەرگٸلٸكتٸ باربەرشوپتا شاشتاراز بولعان. ۇستاۋ وپەراتسيياسى كەزٸندە كٶزٸ اعىپ كەتكەن. فايزوۆ "كروكۋستاعى" تەراكت كەزٸندە جۇرتتى اۆتوماتتان اتۋ سەتٸن ۆيدەوعا تٷسٸرگەن جەنە اق تٷستٸ "رەنو" كٶلٸگٸن جٷرگٸزگەن. بويداق, بالاسى جوق.
تٶرت كٷدٸكتٸگە قاتىستى 22 مامىرعا دەيٸن قاماۋدا ۇستاۋ تٷرٸندەگٸ بۇلتارتپاۋ شاراسى تاڭدالدى. ولارعا توپ بولىپ تەرروريستٸك اكت جاسادى دەگەن ايىپ تاعىلعان, بۇل باپتىڭ جازاسى – ٶمٸر بويىنا باس بوستاندىعىنان ايىرۋ.
