Almaty qalasynyń Qala qurylysyn baqylaý basqarmasy ókilderi Krisha.kz jáne Korter.kz internet-platformalarynyń operatorlary jaýapkershilikke tartylǵanyn málimdedi. Sebebi bul platformalarda úleskerlerdiń qarajatyn tartýǵa ruqsaty joq turǵyn úi qurylysy nysandarynyń jarnamasy ornalastyrylǵan, dep habarlaidy ult.kz.
Tekserý qorytyndysy boiynsha: «Kolesa» AQ-na (Krisha.kz) – 1000 AEK kóleminde; «Fletfai-Qazaqstan» filialyna (Korter.kz) – 500 AEK kóleminde aiyppul salyndy.
Zańnamaǵa sáikes qurylysqa azamattardyń qarajatyn tartýǵa jáne úlestik qurylys nysandaryn jarnamalaýǵa ýákiletti organnyń tiisti ruqsaty bolǵan jaǵdaida ǵana jol beriledi.
Atalǵan internet-platformalarda jarnamalanǵan nysandarda qajetti ruqsat qujattary bolmaǵan.
Sondyqtan bastapqy turǵyn úi naryǵynan páter satyp almas buryn qurylys salýshyda úleskerlerdiń qarajatyn tartýǵa berilgen ruqsattyń jáne basqa da qajetti qujattardyń bar-joǵyn mindetti túrde teksergen jón.
Salynyp jatqan turǵyn úi nysandarynyń qujattary týraly aqparatty Qala qurylysyn baqylaý basqarmasynyń WhatsApp jelisi arqyly alýǵa bolady: +7 (705) 89 66 000
Búginde atalǵan jeli arqyly qala turǵyndarynan túsken 10 myńnan astam ótinish qaralǵan.
