Sýret: belta.by
Biyl kredit berý talaptary kúsheitiledi. Bul týraly Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov málimdedi, dep habarlaidy Sputnik Qazaqstan.
Biyl agenttik tutynýshylyq kreditter naryǵyn taǵy bir zerdelep shyǵady. Nátijesinde qosymsha talaptar engiziledi.
"Sonyń ishinde syiaqy mólsherlemesin shekteý sharalary da bar. Odan keiin mikroqarjy men kollektorlyq uiymdardy retteý jaǵy da kúsheitiledi", - dedi Ábdirahmanov Cenat otyrysynda.
Onyń aitýynsha, sońǵy eki jyldyń ishinde 28 mikroqarjy uiymy men 37 kollektorlyq agenttiktiń qyzmeti toqtatyldy.
"Biyl mikroqarjy uiymdary boiynsha onlain kredit berý máselesine basa nazar aýdarylady. Bur rette kredit berý talaptary ǵana emes, qaryz alatyn adamdardyń identifikatsiiasyna qatysty talaptar da kúsheitiledi. Negizgi maqsat – alaiaqtyq jolmen kredit berý faktilerine jol bermeý", - dep atap kórsetti Ábdirahmanov.
