Shehadeh Al-Sinavi – Jańa Zelandiiada Kraistchiorch meshitine jasalǵan shabýyl kezinde jaraqat alǵandardyń biri, dep habarlaidy euronews.com.
Ol 200 adamnan quralǵan toppen birge Saýd Arabiiasy koroliniń shaqyrtýymen Mekkege qajylyqqa barady. Koroldik biligi málim etkendei, bul bastama – «barlyq dini ilimge qaishy keletin jan túrshigerlik lańkestik áreketterden zardap shekken otbasylardy qoldaýǵa jáne terrorizmmen kúreske qosqan úles». Shaqyrylǵandardyń barlyǵy Saýd Arabiiasy esebinen barlyq qajetti dúnielermen qamtamasyz etiledi.
«Biz ýaqytsha bolsa da oq atqan jerden alys jaqqa ketkimiz keldi. Soǵan qaramastan, Mekke siiaqty qasietti orynnan tabylǵanymyz úlken jubanysh», - dedi Al-Sinavi.
2019 jyldyń 15 naýryzynda Kraistchiorch meshitine jasalǵan shabýyldan 50-den astam adam qaza taýyp, ondaǵany jaraqat aldy. Lańkestikten zardap shekken otbasylardy qabyldaǵan Saýd Arabiiasy barlyq qajetti dúnielermen, sonyń ishinde qajylyq jasaýǵa arnalǵan arnaiy kiimdermen qamtamasyz etýge ýáde etti.
Biyl Mekkege 2 mln adam qajylyq jasaýǵa keledi dep josparlanyp otyr.
