شەحادەح ال-سيناۆي – جاڭا زەلاندييادا كرايستچيورچ مەشٸتٸنە جاسالعان شابۋىل كەزٸندە جاراقات العانداردىڭ بٸرٸ, دەپ حابارلايدى euronews.com.
ول 200 ادامنان قۇرالعان توپپەن بٸرگە ساۋد ارابيياسى كورولٸنٸڭ شاقىرتۋىمەن مەككەگە قاجىلىققا بارادى. كورولدٸك بيلٸگٸ مەلٸم ەتكەندەي, بۇل باستاما – «بارلىق دٸني ٸلٸمگە قايشى كەلەتٸن جان تٷرشٸگەرلٸك لاڭكەستٸك ەرەكەتتەردەن زارداپ شەككەن وتباسىلاردى قولداۋعا جەنە تەرروريزممەن كٷرەسكە قوسقان ٷلەس». شاقىرىلعانداردىڭ بارلىعى ساۋد ارابيياسى ەسەبٸنەن بارلىق قاجەتتٸ دٷنيەلەرمەن قامتاماسىز ەتٸلەدٸ.
«بٸز ۋاقىتشا بولسا دا وق اتقان جەردەن الىس جاققا كەتكٸمٸز كەلدٸ. سوعان قاراماستان, مەككە سيياقتى قاسيەتتٸ ورىننان تابىلعانىمىز ٷلكەن جۇبانىش», - دەدٸ ال-سيناۆي.
2019 جىلدىڭ 15 ناۋرىزىندا كرايستچيورچ مەشٸتٸنە جاسالعان شابۋىلدان 50-دەن استام ادام قازا تاۋىپ, ونداعانى جاراقات الدى. لاڭكەستٸكتەن زارداپ شەككەن وتباسىلاردى قابىلداعان ساۋد ارابيياسى بارلىق قاجەتتٸ دٷنيەلەرمەن, سونىڭ ٸشٸندە قاجىلىق جاساۋعا ارنالعان ارنايى كيٸمدەرمەن قامتاماسىز ەتۋگە ۋەدە ەتتٸ.
بيىل مەككەگە 2 ملن ادام قاجىلىق جاساۋعا كەلەدٸ دەپ جوسپارلانىپ وتىر.
