Almatydaǵy barlyq qurylys krandary tekseriledi. Bul týraly Almatynyń tynys-tirshiligin qalpyna keltirý jónindegi shtab otyrysynda qala ákiminiń orynbasary Muhit Ázirbaev málim etti, dep habarlaidy QazAqparat.
Otyrys barysynda Almaty ákimi Baqytjan Saǵyntaev orynbasary Muhit Ázirbaevtan qurylys alańynda mert bolǵan qurylysshyǵa qatysty qaiǵyly boiynsha qandai shara qabyldanyp jatqanyn surady.
«Aidyn kúni amanda, eshqandai boran, jel joq. Qurylys alańynda kran qulap, bir azamat mert boldy. Osyǵan bailanysty qandai is sharalardy qolǵa aldyńyzdar?», - dep surady Almaty ákimi.
Óz kezeginde Muhit Ázirbaev arnaiy jumys toby qurylǵanyn jetkizdi.
«Keshe jumys toby quryldy, osy aptada qaladaǵy barlyq krandardy tekseremiz. Aldyn ala boljam boiynsha, tehnikalyq aqaý bolǵan», - deidi ol.
Baqytjan Saǵyntaev tehnikalyq aqaýlardy kranshy týdyrmaitynyn basa aitty.
«Ony komissiia anyqtaidy. Biraq bul, kran operatorynyń qateligi dep oilamaimyz. Krannyń tozýy nemese basqa da sebepter bolýy múmkin. Bul tekserý barysynda anyqtalatyn bolady. Ázirge saraptamanyń nátijesi joq», - dep jaýap berdi Muhit Ázirbaev.
Ákim orynbasaryna bir apta ishinde qurylys krandaryn tekserip, kelesi apparat keńesinde atqarylǵan jumystardy baiandaý tapsyryldy.
