الماتىداعى بارلىق قۇرىلىس كراندارى تەكسەرٸلەدٸ. بۇل تۋرالى الماتىنىڭ تىنىس-تٸرشٸلٸگٸن قالپىنا كەلتٸرۋ جٶنٸندەگٸ شتاب وتىرىسىندا قالا ەكٸمٸنٸڭ ورىنباسارى مۇحيت ەزٸرباەۆ مەلٸم ەتتٸ, دەپ حابارلايدى قازاقپارات.
وتىرىس بارىسىندا الماتى ەكٸمٸ باقىتجان ساعىنتاەۆ ورىنباسارى مۇحيت ەزٸرباەۆتان قۇرىلىس الاڭىندا مەرت بولعان قۇرىلىسشىعا قاتىستى قايعىلى بويىنشا قانداي شارا قابىلدانىپ جاتقانىن سۇرادى.
«ايدىن كٷنٸ اماندا, ەشقانداي بوران, جەل جوق. قۇرىلىس الاڭىندا كران قۇلاپ, بٸر ازامات مەرت بولدى. وسىعان بايلانىستى قانداي ٸس شارالاردى قولعا الدىڭىزدار?», - دەپ سۇرادى الماتى ەكٸمٸ.
ٶز كەزەگٸندە مۇحيت ەزٸرباەۆ ارنايى جۇمىس توبى قۇرىلعانىن جەتكٸزدٸ.
«كەشە جۇمىس توبى قۇرىلدى, وسى اپتادا قالاداعى بارلىق كرانداردى تەكسەرەمٸز. الدىن الا بولجام بويىنشا, تەحنيكالىق اقاۋ بولعان», - دەيدٸ ول.
باقىتجان ساعىنتاەۆ تەحنيكالىق اقاۋلاردى كرانشى تۋدىرمايتىنىن باسا ايتتى.
«ونى كوميسسييا انىقتايدى. بٸراق بۇل, كران وپەراتورىنىڭ قاتەلٸگٸ دەپ ويلامايمىز. كراننىڭ توزۋى نەمەسە باسقا دا سەبەپتەر بولۋى مٷمكٸن. بۇل تەكسەرۋ بارىسىندا انىقتالاتىن بولادى. ەزٸرگە ساراپتامانىڭ نەتيجەسٸ جوق», - دەپ جاۋاپ بەردٸ مۇحيت ەزٸرباەۆ.
ەكٸم ورىنباسارىنا بٸر اپتا ٸشٸندە قۇرىلىس كراندارىن تەكسەرٸپ, كەلەسٸ اپپارات كەڭەسٸندە اتقارىلعان جۇمىستاردى بايانداۋ تاپسىرىلدى.
