Búgin Parlament Senatynyń jalpy otyrysynda QR Joǵarǵy sotynyń jańa sýdiasy sailandy, dep habarlaidy QazAqparat.
«Konstitýtsiiaǵa sáikes QR Prezidentiniń usynymymen Joǵarǵy sottyń sýdialaryn sailaý jáne qyzmetinen bosatý Senattyń airyqsha quzyryna jatady. Osy rette Memleket basshysy sizderdiń qaraýlaryńyzǵa Joǵarǵy sottyń sýdiasy qyzmetine Berik Tóleýtaiuly Nájimidenovti sailaý týraly usynym engizdi. B. Tóleýtaiuly qarjylyq baqylaý, memlekettik aýdit salasynda tájiribesi mol maman. Sońǵy bes jyl Qarjy ministrliginde jemisti qyzmet etti», - dedi QR Prezidentiniń Parlamentindegi ókildiginiń basshysy Beibit Isabaev.
Osy oraida atalǵan kandidatty sailaý týraly Senat qaýlysy daýys berýge shyǵaryldy. Palata depýtattary ashyq daýys berý arqyly atalǵan kandidatty qoldaý týraly sheshim shyǵardy. Jańa qyzmetke sailanǵan sýdia Parlament Senatynyń jalpy otyrysynda saltanatty túrde ant berdi.
Berik Tóleýtaiuly Nájimidenov 1979 jyly týǵan, joǵary zańgerlik bilimi bar.
2002 – 2012 jyldary Qazaqstan Respýblikasy Qarjy ministrligi Qarjylyq baqylaý komitetiniń Pavlodar oblysy boiynsha Qarjylyq baqylaý inspektsiiasynyń bas mamany – jetekshi baqylaýshy-revizory, bas mamany – bas baqylaýshy-revizory, № 5 baqylaý bóliminiń bastyǵy, № 3 baqylaý bóliminiń bastyǵy, Qarjylyq baqylaý inspektsiiasy bastyǵynyń orynbasary.
2012 jyldan bastap QR Qarjy ministrliginiń Qarjylyq baqylaý komiteti Baqylaý is-sharalaryn taldaý, josparlaý, eseptilik basqarmasynyń basshysy.
2014 jyldan bastap Qarjy ministrligi Qarjylyq baqylaý komitetiniń Qaraǵandy oblysy boiynsha Qarjylyq baqylaý inspektsiiasynyń bastyǵy.
2016 jyly Qarjy ministrligi Ishki memlekettik aýdit komiteti tóraǵasynyń orynbasary bolyp taǵaiyndaldy.
2020 jyldan bastap qazirgi ýaqytqa deiin Qarjy ministrligi Ishki memlekettik aýdit komitetiniń tóraǵasy.
