بٷگٸن پارلامەنت سەناتىنىڭ جالپى وتىرىسىندا قر جوعارعى سوتىنىڭ جاڭا سۋدياسى سايلاندى, دەپ حابارلايدى قازاقپارات.
«كونستيتۋتسيياعا سەيكەس قر پرەزيدەنتٸنٸڭ ۇسىنىمىمەن جوعارعى سوتتىڭ سۋديالارىن سايلاۋ جەنە قىزمەتٸنەن بوساتۋ سەناتتىڭ ايرىقشا قۇزىرىنا جاتادى. وسى رەتتە مەملەكەت باسشىسى سٸزدەردٸڭ قاراۋلارىڭىزعا جوعارعى سوتتىڭ سۋدياسى قىزمەتٸنە بەرٸك تٶلەۋتايۇلى نەجٸميدەنوۆتٸ سايلاۋ تۋرالى ۇسىنىم ەنگٸزدٸ. ب. تٶلەۋتايۇلى قارجىلىق باقىلاۋ, مەملەكەتتٸك اۋديت سالاسىندا تەجٸريبەسٸ مول مامان. سوڭعى بەس جىل قارجى مينيسترلٸگٸندە جەمٸستٸ قىزمەت ەتتٸ», - دەدٸ قر پرەزيدەنتٸنٸڭ پارلامەنتٸندەگٸ ٶكٸلدٸگٸنٸڭ باسشىسى بەيبٸت يساباەۆ.
وسى ورايدا اتالعان كانديداتتى سايلاۋ تۋرالى سەنات قاۋلىسى داۋىس بەرۋگە شىعارىلدى. پالاتا دەپۋتاتتارى اشىق داۋىس بەرۋ ارقىلى اتالعان كانديداتتى قولداۋ تۋرالى شەشٸم شىعاردى. جاڭا قىزمەتكە سايلانعان سۋديا پارلامەنت سەناتىنىڭ جالپى وتىرىسىندا سالتاناتتى تٷردە انت بەردٸ.
بەرٸك تٶلەۋتايۇلى نەجٸميدەنوۆ 1979 جىلى تۋعان, جوعارى زاڭگەرلٸك بٸلٸمٸ بار.
2002 – 2012 جىلدارى قازاقستان رەسپۋبليكاسى قارجى مينيسترلٸگٸ قارجىلىق باقىلاۋ كوميتەتٸنٸڭ پاۆلودار وبلىسى بويىنشا قارجىلىق باقىلاۋ ينسپەكتسيياسىنىڭ باس مامانى – جەتەكشٸ باقىلاۋشى-رەۆيزورى, باس مامانى – باس باقىلاۋشى-رەۆيزورى, № 5 باقىلاۋ بٶلٸمٸنٸڭ باستىعى, № 3 باقىلاۋ بٶلٸمٸنٸڭ باستىعى, قارجىلىق باقىلاۋ ينسپەكتسيياسى باستىعىنىڭ ورىنباسارى.
2012 جىلدان باستاپ قر قارجى مينيسترلٸگٸنٸڭ قارجىلىق باقىلاۋ كوميتەتٸ باقىلاۋ ٸس-شارالارىن تالداۋ, جوسپارلاۋ, ەسەپتٸلٸك باسقارماسىنىڭ باسشىسى.
2014 جىلدان باستاپ قارجى مينيسترلٸگٸ قارجىلىق باقىلاۋ كوميتەتٸنٸڭ قاراعاندى وبلىسى بويىنشا قارجىلىق باقىلاۋ ينسپەكتسيياسىنىڭ باستىعى.
2016 جىلى قارجى مينيسترلٸگٸ ٸشكٸ مەملەكەتتٸك اۋديت كوميتەتٸ تٶراعاسىنىڭ ورىنباسارى بولىپ تاعايىندالدى.
2020 جىلدان باستاپ قازٸرگٸ ۋاقىتقا دەيٸن قارجى مينيسترلٸگٸ ٸشكٸ مەملەكەتتٸك اۋديت كوميتەتٸنٸڭ تٶراعاسى.
