Aqyn Dáýletkerei Kápuly Qazaqstan Jazýshylar odaǵynyń Astana qalasyndaǵy filialynyń direktory bolyp taǵaiyndaldy, dep habarlaidy "Ult aqparat".
Dáýletkerei Kápuly 1977 jyly 9 tamyzda dúniege kelgen.
Ál-Farabi atyndaǵy QazMUÝ-dyń filologiia fakýltetin, (1995-1999) L.N. Gýmilev atyndaǵy EUÝ-niń magistratýrasyn (2000-2002) bitirgen. Atalmysh ýniversitettiń PhD doktaranty. Halyqaralyq, respýblikalyq aqyndar aitysynyń birneshe dúrkin jeńimpazy.
2000 jyly «Juldyz» jurnaly jariialaǵan A.Ybyraev atyndaǵy respýblikalyq jazba aqyndar músháirasynyń bas júldesin, III-shi halyqaralyq Shyǵarmashyl jastardyń Shabyt festivaliniń poeziia nominatsiiasy boiynsha gran-pridi ielengen.
«Jyr táńiri», «Óleńge árkimniń-aq bar talasy», «Jas aqyndar jyrlarynyń antologiiasy», «Baibesik tumalary», «Táýelsizdiktiń nurly tańy», «Shabyt», «Jidebai», «Janartaý», «Azattyq tańyndaǵy azat jyr» t.b. qazaq aqyndarynyń birikken jyr jinaqtarynda óleń-jyrlary jariialanǵan. «Sútti ińir»,(2007), «Búldirgen aǵyp túskenshe» (2011) atty jeke jyr jinaqtary jaryq kórgen.
Túrkiianyń Adana (Tarsýs) qalasynda ótken túrkitektes halyqtardyń Qarajolan atyndaǵy segizinshi elaralyq poeziia festivaliniń laýreaty.
Daryn Memlekettik Jastar syilyǵynyń laýreaty. Eki dúrkin Memlekettik stipendiia iegeri. Qazaqstan Jazýshylar Odaǵynyń múshesi.
Aita ketsek, buǵan deiin Qazaqstan Jazýshylar odaǵynyń elordalyq filialyn basqarǵan Baýyrjan Qaraǵyzuly bul qyzmette nebári alty ai - osy jyldyń sáýiri men qyrkúiegi aralyǵynda boldy. Keiin B.Qaraǵyzuly Mádeniet jáne sport ministriniń keńesshisi laýazymyna taǵaiyndalǵan-tyn.
