Saýda jáne integratsiia ministrliginde Qazaqstan men Resei arasyndaǵy 2003 jyly Ombyda Qazaqstan men Resei óńiraralyq yntymaqtastyǵynyń alǵashqy forýmy ótkiziligennen beri saýda-sattyqtaǵy jaǵdaidyń qalai ózgergenine taldaý júrgizildi.
Budan soń atalmysh forým 2005 jyldan Qazaqstan men Reseidiń birqatar qalalarynda: Cheliabi, Oral, Novosibirsk, Aqtóbe, Orynbor, Óskemen, Astrahan, Pavlodar, Ekaterinbýrg, Atyraý, Sochi, Astana, Cheliabinsk, Petropavl qalalarynda kezekpen ótti.
Baqyt Sultanov forým alańynda jýrnalistermen kezdesip, taýar ainalymy osy jyldar boiy ósim kórsetkenin atap ótti.
2003 jyly óńiraralyq yntymaqtastyqtyń birinshi forýmy ótkizilgen ýaqyttan beri 15 jyl ishinde bizdiń elderimizdiń arasyndaǵy taýar ainalymy 3,5 ese ósti (2003 jyly - $5 245,5 mln, 2018 jyly - $18 517,3 mln), onyń ishinde Reseige bizdiń jetkizilimderimiz 2,6 esege ósti ($1 967,7 mln - $5 279,9 mln).
«Praktikalyq sheshimder, naqty kómek jáne naqty usynystar!» - bul iskerlik Forým alańynda jumys istegisi keletin adamdardyń kezdesýinde ótip jatqan jaǵdai. Bul Forým uiymdastyrylýynyń negizgi sebebi. Sondyqtan, búgin jýrnalistermen sóilese otyryp, Baqyt Sultanov forýmdaǵy networking alańynyń mańyzdylyǵyn atap ótip, birinshi forýmnan bastap, kóptegen sheshimder men 100-den astam túrli kelisimderge qol jetkizilgendigin atap ótti. Negizinen, bul, árine, kásiporyndar arasyndaǵy kelisimder - bul óńiraralyq yntymaqtastyqtyń mindeti.
«Búgin biz memleket basshylary deńgeiindegi óńiraralyq forýmmen qatar, bizdiń kásiporyndar usynylǵan biznes-forým ótkizip otyrmyz. Qazirdiń ózinde belgili bir nátijeler bar. Birqatar kelisimder búginde $40 mln-ǵa jýyq somaǵa jasalady. Biraq bul tek keshegi kúnge jáne búginge bastamasy ǵana. Sondyqtan, biz osyndai biznes-forýmdardyń arqasynda kásipkerlerdiń qosymsha múmkindikteri paida bolady dep úmittenemiz», – dedi ministr.
Sonymen qatar, ulttyq taýar óndirýshilerdi úlken eksportqa shyǵarý týraly aita otyryp, Saýda ministri qazaqstandyq delegatsiiamen QHR-ǵa barǵan sapardyń iri nátijeleri týraly aitty.
2019 jylǵy Forýmnyń tiimdiligi men paidalylyǵy týraly aita kele, Memleket basshylarynyń qatysýymen ótken jalpy otyrystyń qorytyndysy boiynsha 8 ekijaqty qujatqa, sondai-aq forým alańynda 12 kommertsiialyq kelisimge qol qoiylǵanyn atap ótken jón:
Plenarlyq otyrysta «Qazaqstan – Resei» shekara mańy yntymaqtastyǵy baǵdarlamasynyń tujyrymdamasyna qol qoiyldy.
Sondai-aq, memlekettik organdar arasynda qol qoiyldy:
- Qazaqstannyń Aqparat jáne qoǵamdyq damý ministrligi men Reseidiń jastar isi jónindegi federaldyq agenttigi (Rosmolodej) arasyndaǵy jastar saiasaty salasyndaǵy ózara túsinistik týraly memorandýmǵa;
- Qazaqstannyń Mádeniet jáne sport ministrligi men Reseidiń Mádeniet ministrligi arasyndaǵy yntymaqtastyq baǵdarlamasyna;
- Qazaqstan-Resei shekarasynda ótkizý pýnktteriniń jumys isteýi boiynsha Qazaqstan Indýstriia jáne infraqurylymdyq damý ministrligi men Reseidiń Kólik ministrligi arasyndaǵy birlesken is-qimyl baǵdarlamasyna.
Ákimdikter arasyndaǵy kelisimderge qol qoiyldy:
- Qostanai oblysy men Cheliabi oblysynyń Úkimeti arasyndaǵy saýda-ekonomikalyq, ǵylymi-tehnikalyq, áleýmettik, mádeni gýmanitarlyq yntymaqtastyq týraly kelisimge;
- Pavlodar oblysy men Qorǵan oblysynyń Úkimeti arasyndaǵy saýda-ekonomikalyq, ǵylymi-tehnikalyq, gýmanitarlyq jáne ózge de salalardaǵy yntymaqtastyq týraly kelisimge;
- Pavlodar oblysynyń ákimdigi men Novosibirsk oblysynyń ákimshiligi arasyndaǵy saýda-ekonomikalyq, áleýmettik, ǵylymi-tehnikalyq jáne mádeni yntymaqtastyq týraly kelisimdi iske asyrý jónindegi is-sharalar josparyna;
- «Damý» kásipkerlikti damytý qory men Reseidiń shaǵyn jáne orta kásipkerlikti qoldaý banki arasyndaǵy yntymaqtastyq týraly kelisimge.
Kommertsiialyq qujattar boiynsha qol qoiyldy:
- «Aisberg PV» JShS men «Eýraziia» saýda úii arasyndaǵy jartylai fabrikattardy;
- «Qazetónimderi» JShS men «Eýraziia» T arasyndaǵy shujyq ónimderin jetkizý týraly kelisimderge.
Yntymaqtastyq týraly kelisimderge qol qoiyldy:
- «KSP Steel» saýda úii («KSP Steel» JShS qazaqstandyq kompaniiasynyń seriktesi) jáne KazakhExport;
- «Kontrol Lizing» JShQ jáne KazakhExport;
- Moskommertsbank jáne KazakhExport;
- S. Toraiǵyrov atyndaǵy Pavlodar memlekettik ýniversiteti men Omby munai óńdeý zaýyty jáne memlekettik tehnikalyq ýniversiteti;
- Pavlodar munai-himiia zaýyty men Omby munai óńdeý zaýyty;
- BQO kásipkerlik jáne indýstriialyq-innovatsiialyq damý basqarmasy jáne Saratov oblysynyń Saýda-ónerkásip palatasy;
- Aqmola oblysynyń kásipkerlik jáne ónerkásip basqarmasy men Omby oblysynyń ónerkásip, bailanys, tsifrlyq jáne ǵylymi-tehnikalyq damý ministrligi arasyndaǵy kelisimge.
«AZAM-KS» JShS men «Titan-Agro» JShQ arasyndaǵy yntymaqtastyq nieti týraly kelisimge.
Qaraǵandy, Qostanai oblystarynyń Qoǵamdyq keńesi men Sverdlov oblysynyń Qoǵamdyq palatasy arasyndaǵy yntymaqtastyq týraly memorandýmdarǵa.
