QR Úkimetiniń qaýlysymen Ashat Aimaǵambetov Elmira Sýhanberdievanyń ýaqytsha demalysqa ketýine bailanysty Qazaqstan Respýblikasy bilim jáne ǵylym vitse-ministri qyzmetine ýaqytsha taǵaiyndaldy, dep habarlaidy "Ult aqparat".
Ashat Aimaǵambetov 1982 jyly Qaraǵandy oblysynda dúniege kelgen. 2003 jyly E. Bóketov atyndaǵy QarMÝ tarih fakýltetin «tarihshy, tarih muǵalimi» biliktiligi boiynsha támamdaǵan.
2006 jyly – Qaraǵandy «Bolashaq» aktýaldy bilim berý institýtynyń zań fakýltetin «quqyqtaný» mamandyǵy boiynsha aiaqtaǵan.
Eńbek jolyn 2002 jyly E. Bóketov atyndaǵy QarMÝ-den bastaǵan, 2004-2005 jyldary «Ańsar» jastar ligasy» QB tóraǵasy bolǵan, 2005-2006 jyldary «MEDIA SP» JShS direktory, 2006-2012 jyldary – E. Bóketov atyndaǵy QarMÝ saiasattaný jáne áleýmettaný kafedrasynyń oqytýshysy, aǵa oqytýshysy, dotsenti retinde qyzmet atqarǵan.
2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan. 2014 jylǵy aqpan aiynan bastap qazirgi kúnge deiin – Qaraǵandy oblysy Bilim berý basqarmasynyń basshysy laýazymyn atqarǵan.
2003-2012 jyldar aralyǵynda Qaraǵandy qalalyq máslihatynyń III jáne IV shaqyrylymdarynyń depýtaty, qala máslihatynyń áleýmettik máseleler boiynsha turaqty komissiiasynyń tóraǵasy bolyp sailanǵan.
