Qazaqstannyń Ulttyq ekonomika ministri Timýr Súleimenov ministrlik ujymyna jańadan taǵaiyndalǵan vitse-ministr Áset Irǵalievti tanystyrdy.
Timýr Súleimenov jańa orynbasardyń kandidatýrasyn tanystyra kelip, onyń aldynda halyqaralyq ekonomikalyq integratsiia jáne halyqaralyq yntymaqtastyq, saýda jáne syrtqy saýda qyzmeti máselesine jetekshilik etý turǵanyn aitty.
Ministr jańa orynbasardyń jinaqtaǵan tájiribesin, bilimi men kásibi daǵdysyn qoiylǵan mindetterge qol jetkizý úshin qoldanatyndyǵyna senim bildirdi.
Áset Irǵaliev Qazaqstandyq menedjment, ekonomika jáne boljamdaý institýtynyń (KIMEP) memlekettik saiasat ekonomika salasynda bakalavr dárejesinde úzdik támámdady (Almaty, Qazaqstan). Halyqaralyq Ionkoping biznes mektebin halyqaralyq ekonomika salasynda ǵylym bakalavry dárejesimen (Jönköping University, Shvetsiia), Iork ýniversitetin ekonomikadaǵy ǵylym magistri dárejesimen (University of York, Ulybritaniia), Nottingem ýniversitetin ekonomikadaǵy filosofiia magistri dárejesimen (The University of Nottingham, Ulybritaniia) aiaqtady.
Áset Irǵaliev London ekonomika jáne saiasi ǵylymdar mektebiniń PhD doktory dárejesin iemdengen (London, Ulybritaniia).
Eńbek jolyn Londondaǵy Eýropalyq damý jáne qaita qurý bankiniń (EDQB) Shyǵys Eýropa, Kavkaz jáne Ortalyq Aziia boiynsha ekonomika departamentiniń aýmaqtyq ekonomisti retinde bastaǵan.
2013 jylǵy qańtardan bastap 2016 jylǵy maýsym aralyǵynda «Ekonomikalyq zertteýler institýty» AQ Kásipkerlikti damytý ortalyǵynyń direktory, basqarma tóraǵasynyń orynbasary, basqarma tóraǵasy laýazymdaryn atqarǵan.
2016 jylǵy jeltoqsannan bastap 2017 jylǵy shilde aiyna deiin Qazaqstan Respýblikasy Premer-Ministriniń keńesshisi bolyp qyzmet istegen.
2017 jylǵy tamyzdan bastap Qazaqstan Respýblikasy Premer-Ministri Keńsesiniń Jobalaýdy basqarý ortalyǵynda jumys istedi.
Vitse-ministr qyzmetine taǵaiyndalǵanǵa deiin Qazaqstan Respýblikasy Premer-Ministri Keńsesiniń Jobalaýdy basqarý ortalyǵynyń meńgerýshisi laýazymyn atqardy.
