Qazaqstan Respýblikasynyń Ulttyq Banki «Astana bankin» litsenziiasynan aiyrý týraly sheshim shyǵarýyna bailanysty atalǵan banktiń salymshylaryna úndeý joldady, dep habarlaidy "Ult aqparat".
"Qazaqstan Respýblikasynyń Ulttyq Banki 2018 jylǵy 18 qyrkúiekte Ulttyq Bank Basqarmasynyń «Astana Banki» AQ-ty banktik jáne ózge de operatsiialardy júrgizýge arnalǵan litsenziiasynan aiyrý týraly sheshim qabyldaýyna bailanysty jeke tulǵa-salymshylardy teńgemen jáne shetel valiýtasyndaǵy depozitter, tólem kartochkalaryndaǵy jáne banktik shottardaǵy aqsha Qazaqstannyń depozitterge kepildik berý qorynyń (budan ári - QDKQ) kepildigimen qorǵalǵanyn eskertedi. Demek, bolashaqta sot bankti májbúrlep taratý týraly sheshim qabyldaǵan jaǵdaida, QDKQ jeke tulǵa-salymshylarǵa kepildik berilgen ótemaqyny tóleýdi júzege asyrady" delingen habarlamada.
Kepildiktiń eń joǵary shegi:
Teńgemen depozitter boiynsha - 10 million teńgege deiin;
Shetel valiýtasyndaǵy depozitter boiynsha - 5 million teńgege deiin mólsherdi quraidy.
Qazaqstannyń depozitterge kepildik berý qorynyń qarajatynan banktiń mynadai klientteri:
jeke tulǵalar,
dara kásipkerler,
jeke sot oryndaýshylary, notariýstar, advokattar ótemaqy alýǵa quqyly.
Málimetke sai, banktik shottaǵy qaldyq ótelýge tiis. Bank eseptegen syiaqyǵa kepildik berilmeidi. Eger banktik salym shartynda syiaqyny kapitaldandyrý kózdelse, onda kapitaldandyrylǵan syiaqy depozittiń negizgi somasyna qosylady jáne kepildik obektisi bolady.
«Astana Banki» AQ-ta jeke tulǵalardyń barlyǵy 41,2 milliard teńge somaǵa depozitteri ornalastyrylǵan. Qazaqstannyń depozitterge kepildik berý qorynyń ótemaqy tóleý boiynsha mindettemeleri 37 milliard teńgeni quraidy.
Bank klientteriniń 0,1%-nan azynyń kepildik berilgen somadan artyq depozitteri bar jáne Qazaqstannyń depozitterge kepildik berý qorynan kepildik berilgen soma sheginde ótemaqy alady, al kepildik berilgen somadan joǵary somadaǵy ótemaqyny taratý komissiiasynan alady.
QRUB Tóraǵasynyń buiryǵymen ýaqytsha ákimshilik taǵaiyndaldy, oǵan «Astana Banki» AQ-tyń barlyq basqarý organynyń ókilettikteri ótti. Ýaqytsha ákimshiliktiń quramyna QRUB mamandary kirdi.
«Astana Banki» AQ-tyń ýaqytsha ákimshiligi sot taratý komissiiasyn taǵaiyndaǵanǵa deiin jumys isteitin bolady. Ýaqytsha ákimshilik bank múlkiniń saqtalýyn qamtamasyz etý, bankti basqarý, banktiń aktivterin anyqtaý, uiymnyń aktivterine, mindettemelerine jáne qujattaryna túgendeý júrgizý úshin taǵaiyndalady. Óziniń jumys isteý kezeńinde ýaqytsha ákimshilik «Astana Banki» AQ-tyń aktivteri men mindettemelerin satyp alýshy bankke birmezgilde berý múmkindigin baǵalaidy.
«Astana Banki» AQ-ty májbúrlep taratý týraly sot sheshimi zań kúshine engen kúnnen bastap 14 jumys kúni ishinde QDKQ jumys isteitin qazaqstandyq bankterdiń qaisysynyń «Astana Banki» AQ-tyń salymshylarymen tólem jónindegi agent retinde jumys isteitinin jariialap, salymshylarmen esep aiyrysa bastaidy. Qoldanystaǵy zańnamaǵa sáikes, bul banktiń qarjylyq jaǵdaiy turaqty, elimizdiń barlyq jerinde salymshylarǵa qyzmet kórsetýge múmkindik beretin aýqymdy filialdar jelisi jáne infraqurylymy bolýǵa tiis. Bul bank «Astana Banki» AQ-tyń salymshylarymen QDKQ-nyń atynan jáne onyń qarajaty esebinen jumys isteitin bolady.
QDKQ tańdap alynǵan agent-bankti jariialaǵan soń, salymshylar osy banktiń bólimshesine kepildik berilgen ótemaqyny alý úshin ótinish berýge tiis. Agent-bank oǵan qujattar kelip túsken kúnnen bastap 5 jumys kúninen keshiktirmei tólem jasaýdy júzege asyrady.
Ulttyq Bank, sol siiaqty QDKQ salymshylardy BAQ arqyly jaǵdaidyń budan ári órbýi týraly habardar etedi. Salymshylar www.kdif.kz saitynda depozitterge kepildik berý máseleleri boiynsha qosymsha aqparat alyp, zańnamanyń jańartylǵan redaktsiiasymen tanysa alady. Mamandardyń konsýltatsiialary 8 8000 80 10 20 shuǵyl jeli nómiri boiynsha júrgiziledi (qońyraý shalý tegin).
Ýaqytsha ákimshiliktiń jumys isteý máseleleri boiynsha Qazaqstannyń Ulttyq Bankine «QUB Online» mobildi qosymshasy arqyly ótinish jasaýdy suraimyz.
