Osy qyzmetti atqaryp kelgen Marat Irmenov Almaty qalasynyń UQK departament basshysy bolyp aýysty. Bul týraly óńirlik jedel shtabtyń kezekti otyrysynda aityldy.

N.Qalqamanuly buǵan deiin UQK-niń ortalyq apparat ynda departament basshysy laýazymyn atqarǵan. Sondai-aq, ol 2011 – 2016 jyldary UQK Jambyl oblysy boiynsha departamentiniń bastyǵy bolyp eńbek etken.

Oblys ákimi Berdibek Saparbaev jańa basshyny tanystyryp, artylatyn senim men júktelgen mindet júgi aýyr ekenin basa aitty.

Aimaq basshysy qazirgi tańda halyq qaýipsizdigin qamtamasyz etý – eń basty másele ekenin jetkizdi.

- Memleket basshysynyń tapsyrmasyna sáikes óńirdegi turaqtylyqty, turǵyndardyń qaýipsizdigin, tynyshtyǵyn qamtamasyz etý kerek. Ol úshin barlyq jergilikti atqarýshy, quqyq qorǵaý organdary men kúshtik qurylymdar ózara birlese jumys istegeni mańyzdy. Halyq ózin qaýipsiz sezinip, úlkender jumysqa, balalar sabaqqa, balabaqshaǵa emin-erkin barýy tiis,-dedi oblys ákimi.

B. Saparbaev buǵan deiingi shtab otyrysynda berilgen tapsyrmalardyń oryndalýyn tezdetý qajettigine toqtaldy.

Jappai tártipsizdikke qatysýshy búlikshilerdi, arańdatýshylar men qarýly qylmyskerlerdi anyqtaý, ustaý, qoldy bolǵan qarý-jaraqtardy qaitarý boiynsha atqarylyp jatqan jumystar týraly politsiia departamenti bastyǵynyń mindetin atqarýshy, oblys komendanty Baqyt Rataev baiandady.

Ol búginge deiin 143 qarý-jaraq tabylyp, tárkilengenin aitty.

Basqosýda tótenshe jaǵdai rejimi jáne komendanttyq saǵat talaptarynyń saqtalý barysy, oblys aýmaǵyndaǵy 31 blokbekettiń jumysy jóninde de esep berildi.