Foto: UQK baspasóz qyzmeti
Ulttyq qaýipsizdik komiteti elimizdiń ártúrli óńirinde iri kólemde kóknár shikizatyn satý qylmysyna qatysy bar esirtkimen ainalysatyn toptyń zańǵa qaishy is-áreketiniń jolyn kesýge baǵyttalǵan arnaiy operatsiia júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
Jedel zerdeleý jumysynyń nátijesinde Petropavl qalasynda esirtki qylmysyna qatysty toptyń kómekshileri ustalyp, 5,5 tonnaǵa jýyq atalǵan apiyn túri alynǵan.
"Osy operatsiianyń ekinshi kezeńi barysynda Óskemen qalasynda 1 tonna kóknár shikizatyn alý ústinde esirtki kýreri ustaldy. Dál osy ýaqytta, Qaraǵandy qalasynda jalǵa alǵan qoimalarda 10 tonnadan asa esirtki shikizatyn saqtap kelgen esirtki qylmysyna qatysty toptyń uiymdastyrýshylary ustaldy.
Buǵan qosa tintý sharalary barysynda esirtki qylmysyna qatysty top qatysýshylarynan jaraqattaýshy jáne sýyq qarý, sonymen qatar iri kólemde aqshalai zattar tabyldy" - delingen habarlamada.
Aldyn ala tergeý anyqtaǵandai, atalǵan apiyn shetelden Qazaqstan aýmaǵyna tamaq ónimderi túrinde kirgizilip, esirtkige táýeldi ortada saýdalanǵan.
Jalpy qolǵa túsken esirtki kólemi 16 tonnadan asqan. Odan ári jedel-tergeý amaldary júrgizilip jatyr.
