QR Ulttyq qaýipsizdik komitetiniń KZ-CERT Kompiýterlik intsidentterge áser etý qyzmeti internettegi aqparattyq qaýip-qaterler men olardyń aldyn alý joldary týraly habardar etip otyratyn Telegram-botty iske qosty, dep habarlaidy "Ult aqparat".
Atap aitqanda, Telegram-bot arqyly qazaqstandyqtar:
- «KZ-CERT qyzmetteri» aidaryna aqparattyq qaýipsizdiktiń yqtimal qaýpi jáne intsidenti týraly habarlai alady;
- «Call – Center»qyzmetiniń 1400 biryńǵai aqparattyq-anyqtamalyq ortalyǵyna táýlik boiy tegin qońyraý shalýǵa bolady.
- Qandai da bir domende ziiandy baǵdarlamalyq jasaqtamanyń bar-joǵyn teksere alady;
- «Qupiia sózdiń kúrdeliligin tekserý» qyzmeti jeke aqparattyń qaýipsizdigin kúsheitýge kómektesedi;
- «Jii qoiylatyn suraqtar» aidarynda aqparattyq qaýipsizdikke qatysty jii joldanatyn suraqtarǵa jaýap beriledi.
«Sondai-aq, KZ-CERT qyzmeti rebrending jasap, www.cert.gov.kz jańa internet-resýrsyn pilottyq rejimde iske qosqanyn eske salady. Jańa internet-resýrsta nashar kóretinderge arnalǵan nusqa jetildirildi, resýrstyń mobildik nusqasy ikemdeldi, qupiia sózdiń kúrdeliligin tekserý qyzmeti qosyldy, onlain rejimde kez kelgen ýaqyttaǵy intsidentter statistikasyn qaraýǵa bolady jáne 24/7 rejimde onlain keńesshiden aqparattyq qaýipsizdik máseleleri boiynsha keńes, kómek alýǵa bolady», - delingen «KZ-CERT» Kompiýterlik intsidentterge áreket etý qyzmetiniń málimetinde.
