QR Premer-Ministriniń orynbasary Roman Skliar bastaǵan Qazaqstan Respýblikasy Úkimetiniń delegatsiiasy Resei Federatsiiasyna jumys saparymen keldi, depi habarlaidy "Ult aqparat" primeminister.kz silteme jasap.
RF Úkimeti tóraǵasynyń orynbasary Marat Hýsnýllinmen kezdesý barysynda jol salý salasyndaǵy birlesken jobalardy iske asyrý, shekara arqyly ótkizý pýnktterin qaita qurý máseleleri talqylandy.
Taraptar sondai-aq Qazaqstan men Reseidiń qurylys normalary men erejelerin birizdendirý týraly máselelerdi pysyqtaý týraly sheshim qabyldady, bul qurylystaǵy jobalyq sheshimderdiń ekonomikalyq tiimdiligin arttyrýǵa múmkindik beredi.
Kezdesýge qatysýshylar ónerkásiptik, saýda-ekonomikalyq, investitsiialyq salalarda tyǵyz jumys isteý maqsatynda qosymsha múmkindikter jasaý boiynsha birlesken sharalardy iske asyrý, ózara tiimdi ekonomikalyq yntymaqtastyq qaǵidattaryna ózara beiildilikti atap ótti.
Qazaqstan men Resei arasyndaǵy úkimetaralyq dialogtyń tiimdiligi men qajettiligi atap ótildi jáne ózara bailanystardyń joǵary qarqynyna qoldaý kórsetý negizinde ýaǵdalastyqqa qol jetkizildi.
Sapar aiasynda Roman Skliar Resei Mashina jasaýshylar odaǵy seziniń plenarlyq sessiiasynda da sóz sóiledi. QR Premer-Ministriniń orynbasary baiandamasynda Qazaqstan-Resei ónerkásiptik kooperatsiiasynyń nyǵaiýy mashina jasaý salasynyń damýyna oń yqpal etetinine senim bildirdi.
