QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev smartfonda bolatyn qujattar tizimin jariia etti, – dep habarlaidy "Ult aqparat".
«Ótken aptada eGov mobile qosymshasynda bolatyn jáne tiisti zań qabyldanǵan soń qaǵaz qujattardyń zańdy balamasy retinde qoldanylatyn tsifrlyq qujattar týraly jazba jariialaǵan edim. «Qosymshaǵa engizilgen qujattardan basqa taǵy qandai qujattardyń smartfonyńyzda bolǵanyn qalaisyz?» degen suraǵyma sizderden kóptegen usynys kelip tústi. Sol boiynsha tizim jasadyq», - dep jazdy ministr Facebook-paraqshasynda.
Asqar Jumaǵaliev usynyp otyrǵan tizimge myna qujattar kirip otyr:
1. Tólqujat
2. Júrgizýshi kýáligi
3. Stýdenttik bilet
4. Kóliktiń tehpasporty
5. Áskeri bilet
6. Diplom
7. Qarýdy paidalanýǵa berilgen ruqsat
8. Zeinetker kýáligi
9. Ańshylyq bilet
10. Múgedektigi týraly kýálik
11. Jyljymaityn múliktiń tehpasporty
«Osy qujattardyń birqataryn mobildi qosymshaǵa engizý úshin tiisti memlekettik organdarǵa hat joldap, qajetti integratsiiany júrgizý múmkindigin qarastyrýdy usyndyq. Vedomstvoaralyq komissiianyń jaqyn ýaqytta ótetin otyrysynda bul protsesti jedeldetý úshin atalǵan máseleni talqylaýdy josparlap otyrmyz», - dedi ol.
