QR Ádilet ministrligi Shetelde turatyn etnikalyq qazaqtarǵa qoldaý bildirý boiynsha 2018-2022 jyldarǵa arnalǵan sharalar josparyn jariialady, dep habarlaidy QazAqparat tilshisi.
Bul jospar Memleket basshysynyń V Búkilálemdik qazaqtar quryltaiynda bergen tapsyrmalaryn júzege asyrýǵa septigin tigizbek.
Atalǵan qujat Qazaqstan Respýblikasynyń Úkimetiniń qaýlysymen bekitilgen.
Jospar baǵyttarynyń biri - sheteldegi etnikalyq qazaqtarǵa arnalǵan oqý-ádistemelik quraldy ázirleý jáne shyǵarý, olardy internet-resýrstarǵa ornalastyrý jáne ózge memleketterde ornalasqan qazaq mádeni ortalyqtaryn ádebi gýmanitarlyq baǵyt boiynsha qamtamasyz etý.
Odan bólek, qazaq diasporasy ókilderiniń Qazaqstannyń oqý oryndarynda bilim alýy úshin stipendiialyq baǵdarlama ázirlenedi.
Jospar sharalarynyń tolyq tizimimen QR Ádilet ministrliginiń saitynda tanysýǵa bolady.
