QR Premer-Ministri Asqar Mamin Dúniejúzilik bank pen QR Úkimetiniń tikelei sheteldik investitsiialardy tartý máseleleri týraly pikirtalas sessiiasyna qatysty, dep habarlaidy "Ult aqparat" primeminister.kz-ke silteme jasap.
«1992 jyldan beri Dúniejúzilik bankpen birlesip biz qarjy, infraqurylym, energetika, shaǵyn jáne orta biznes salalarynda jalpy somasy $8 mlrd jýyq bolatyn 47 jobany, sondai-aq $40 mln-ǵa 250-den asa tehnikalyq kómek jobasyn sátti iske asyrdyq, bul qazaqstandyqtardyń ómir súrý sapasyn jaqsartýǵa, sondai-aq QR jekemenshik jáne memlekettik sektorlarynda jańa múmkindikterdi ashýǵa yqpal etti», - dedi A. Mamin.
Úkimet basshysy 2019 jyldyń qorytyndysy boiynsha QR JIÓ 4,5%-ǵa óskenin atap ótti, tartylǵan sheteldik investitsiialar kólemi $25 mlrd-tan asty, al sheteldermen saýda ainalymy $96 mlrd-qa jetti. Dúniejúzilik banktiń «Doing Business» reitinginde biznesti júrgizý jeńildigi boiynsha Qazaqstan 28-shi orynnan 25-shi orynǵa kóterildi.
«Bizdiń basymdyǵymyz - osy trendti saqtaý jáne kúsheitý. Osy maqsatta biz kúsh-jigerimizdi sheteldik investitsiialar men ozyq tehnologiialardy tartýǵa shoǵyrlandyrylatyn bolamyz. Bizdiń strategiialyq mindetimiz - negizgi kapitalǵa investitsiialar kólemin keminde JIÓ-ge shaqqanda 30%-ǵa deiin jetkizý, bul energetika, kólik, infraqurylym, aýyl sharýashylyǵy, týrizm jáne basqa da salalarda qosylǵan qundy qalyptastyrýdy arttyrýǵa múmkindik beredi», - dedi A. Mamin.
Kezdesýge qatysýshylar tikelei sheteldik investitsiialar aǵymyna yqpal etetin modelder men faktorlardy, Qazaqstannyń investitsiialyq saiasatyn kúsheitý boiynsha mindetterdi, quqyqtyq retteý máselelerin, sondai-aq jekeshelendirý men memlekettik-jekeshelik áriptestik áleýetin qarastyrdy.
Pikirtalas sessiiasyna Úkimet músheleri, ulttyq holdingter men damý institýttarnyń basshylary, sondai-aq investitsiialar tartý salasyndaǵy jetekshi sarapshylar - Dúniejúzilik banktiń Ortalyq Aziia boiynsha aimaqtyq direktory L. Býrýnchýk, «Czechinvest» strategiialyq jobalardy basqarý direktory V. Zaitsova, sheteldik investitsiialardy tartý jónindegi Irlandiia agenttiginiń (IDA) basqarýshy quramynyń burynǵy múshesi D. Bennet, Dúniejúzilik bank sarapshylary VB H. Iedlichka, P. Korrea jáne basqalary qatysty.
